Bandaríkin

Bandaríkin: Fjölskyldur þurfa samkennd, ekki meira ofbeldi

Þúsundir einstak­linga frá Mið-Ameríku, fjöl­skyldur þar á meðal, neyðast til að flýja heim­kynni sín og allt það sem er þeim kunnu­legt og kært í leit að öryggi og betra lífi fyrir sig og börnin sín. Fólk hefur ferðast fótgang­andi vikum saman á leið til Banda­ríkj­anna á flótta undan hótunum, ofbeldi og sárri fátækt. Þetta er ekki val heldur nauðsyn til að halda lífi og fólkið þarf á hjálp þinni að halda. Þetta eru feður, mæður og börn, mann­eskjur eins og þú, í leit að öryggi og vernd svo að þau geti horft til fram­tíðar með reisn.

Donald Trump Banda­ríkja­for­seti og hans ríkis­stjórn vinna hörðum höndum að því að koma í veg fyrir að þessar fjöl­skyldur fái vernd í Banda­ríkj­unum. Hafa banda­rísk stjórn­völd nýlega gefið það út að þau munu jafnvel refsa þeim sem reyna að óska eftir vernd í Banda­ríkj­unum.

Forsetinn hefur einnig sagt að hermenn á landa­mærum Banda­ríkj­anna og Mexíkó muni hefja skot­hríð gegn því flótta­fólki sem taki upp á því að kasta steinum að landa­mær­unum. Að beita slíku herafli gæti valdið mikilli örvænt­ingu og jafnvel dauða þeirra einstak­linga sem þarfnast verndar.

Mann­rétt­indi eru ekki skorðuð við skil­ríki eða ríkis­borg­ara­rétt. Mann­rétt­indi eru allra.

Skrifaðu undir ákallið núna til stuðn­ings einstak­lingum og fjöl­skyldum í leit að vernd og krefstu þess að innan­rík­is­ráð­herra Banda­ríkj­anna virði mann­rétt­indi.

Þau þurfa þína hjálp!

Þín undirskrift getur bjargað mannslífi

Ísland

Stjórnvöld tryggi velferð trans barna og unglinga

Í upphafi þessa árs var trans teymi Barna- og unglingageðdeildar Landspítala (BUGL) lagt niður. Umrætt teymi hefur gegnt lykilhlutverki í lífi trans barna og unglinga. Mikil óvissa ríkir nú um hvernig trans börn og unglingar verða þjónustuð.

Tyrkland

Krefjumst réttlætis fyrir nemendur vegna gleðigöngu

Þann 10. maí 2019 skipulögðu nemendur í einum virtasta tækniháskóla Tyrklands Middle East Technical University (METU) gleðigöngu og hátíðarhöld til að fagna ástinni og fjölbreytileikanum. En friðsömum og löglegum hátíðarhöldunum var mætt með ofbeldi og hörku lögreglu sem beitti piparúða, plastskotum og táragasi á mannfjöldann. Að minnsta kosti 22 einstaklingar voru handteknir með ólögmætum hætti á háskólasvæðinu og nú eiga 18 þeirra, auk eins starfsmanns skólans, yfir höfði sér tilhæfulausar ákærur fyrir þátttöku í gleðigöngunni. Réttarhöldin yfir þeim hefjast 12. mars.

Grikkland

Börn á flótta fái aðgang að heilbrigðisþjónustu

Síðan í júlí 2019 hefur umsækj­endum um alþjóð­lega vernd og börnum óskráðs flótta­fólks verið mein­aður aðgangur að opin­berri heil­brigð­is­þjón­ustu í Grikklandi. Ný lög um alþjóð­lega vernd sem kynnt voru í nóvember síðast­liðnum hafa komið einhvers konar reglu á málið en skortur á aðgerða­áætlun veldur því að líf og heilsa þúsunda barna og full­orð­inna er í hættu.

Rúanda

Dóttir prests í útlegð handtekin að geðþótta

Jackie Umuhoza var handtekin að morgni dags þann 27. nóvember 2019 í Kígali í Rúanda. Þegar fjölskylda hennar og vinir vöktu athygli á hvarfi Jackie á samfélagsmiðlum daginn eftir staðfesti rannskóknarskrifstofa Rúanda handtöku hennar í tísti á Twitter. Ástæða handtökunnar var sögð grunur um landráð og njósnir. Jackie er enn í haldi og hefur mál hennar ekki enn farið fyrir dóm.

Íran

Íslensk stjórnvöld beiti sér á alþjóðavettvangi

Í Íran fer ástand mannréttinda stöðugt versnandi. Stjórnvöld brjóta á rétti borgara sinna til tjáningarfrelsis, félaga- og fundafrelsis. Konur verða fyrir margvíslegri mismunun og þeim refsað fyrir að láta sjá sig opinberlega án höfuðslæðu. Baráttukonur fyrir mannréttindum eru fangelsaðar fyrir að mótmæla ástandinu með friðsömum hætti. Pyndingum og annarri illri meðferð er beitt án þess að gerendur séu dregnir til ábyrgðar. Þá er dauðarefsingin enn lögleg í Íran, auk þess sem aftökur eru framkvæmdar án dóms og laga.

Íran

Flest börn tekin af lífi í Íran

Á síðustu þremur árum hefur Íran fjölgað aftökum á börnum og ungmennum sem framið höfðu glæpi á barnsaldri þrátt fyrir að það sé ólöglegt samkvæmt alþjóðlegum lögum og mjög alvarlegt brot á mannréttindum. Til þess að koma í veg fyrir viðbrögð frá alþjóðasamfélaginu hefur Íran ítrekað framkvæmt þessar ólöglegu aftökur á ungmennum í leyni, án vitneskju fjölskyldna eða lögfræðinga þeirra. Með þeim hætti fá samtök eins og Amnesty International ekki tækifæri til að upplýsa heiminn um voðaverkin og hvetja fólk eins og þig til aðgerða.