Tyrkland
Þann 25. ágúst síðastliðinn beitti lögreglan í Istanbúl táragasi og háþrýstivatnsdælum til að leysa upp friðsamleg mótmæli. Umrædd mótmæli samanstóðu aðallega af konum sem margar hverjar eru á áttræðisaldri og þekktar sem Laugardagsmæðurnar (e. Saturday Mothers). Konurnar hafa staðið fyrir friðarvökum þar sem þær og fleiri mótmæla þvinguðum mannshvörfum ættingja þeirra frá því um miðjan tíunda áratuginn. Tyrknesk yfirvöld hafa nú bannað vökurnar.
Laugardagsmæðurnar hafa komið saman á hverjum laugardegi á Galatasaray-torgi og haldið friðarvökur allt frá árinu 1995. Árið 1999 neyddust fjölskyldur hinna horfnu til að hætta friðarvökunum vegna ógnana og áreitnis af hálfu lögreglu. Vikulegar samkomur hófust aftur árið 2009 og hafa verið haldnar síðan þá. Fjölskyldurnar kalla eftir sannleika og réttlæti fyrir ástvini sína sem eru aðeins nokkrir af þeim hundruðum einstaklinga sem hurfu í Tyrklandi á níunda og tíunda áratugnum. Fyrir flestum eru ástæður þvingaðra mannshvarfa skyldmenna þeirra óljósar og ekki er vitað hvort hinir horfnu séu lifandi eða liðnir. Enginn hefur verið gerður ábyrgur fyrir umræddum mannréttindabrotum.
Þann 25. ágúst síðastliðinn lögðu Laugardagsmæðurnar af stað til að halda sjöhundruðustu friðarvökuna sína en viðburðurinn hafði verið auglýstur víðs vegar um Istanbúl. Dagurinn átti að vera tileinkaður ástvinum þeirra. Vakan var þó fljótlega stöðvuð með harðneskjulegum afskiptum lögreglu. Fjöldi lögreglumanna notaði táragas og háþrýstivatnsdælur auk þess sem gúmmíkúlum var skotið á fólk. Þá voru 47 manns, þar á meðal margir ættingjar hinna horfnu, settir í gæsluvarðhald í nokkra klukkutíma inni í lögreglubílum.
Friðarvakan hefur verið bönnuð síðan 25. ágúst og í hverri viku óttast skyldmenni hinna horfnu, sem eru ákveðnir í að halda friðsamlegum mótmælum sínum áfram, að lögreglan muni leysa upp mannsöfnuðinn með ofbeldisfullum hætti.
Forseti Tyrklands, Recep Tayyip Erdoğan, fór á fund nokkurra ættingja hinna horfnu árið 2011. Eftir tveggja tíma fund lofaði Erdoğan að tyrknesk stjórnvöld myndu vinna í málinu og rannsaka mannshvörfin. Því fleiri sem hvetja forsetann til að efna loforð sitt því líklegra er að friðarvökubanninu verði aflétt. Með þínum stuðningi getum við magnað upp raddir þeirra og tryggt að friðarvakan sé þekkt um allan heim.
Stattu með þeim og skrifaðu undir Netákallið!
Þín undirskrift getur bjargað mannslífi
Rússland
Dmitry Skurikhin er verslunareigandi og aðgerðarsinni sem afplánar 18 mánaða dóm á fanganýlendu í Rússlandi fyrir brot á ritskoðunarlögum um hernað. Skrifaðu undir og kallaðu eftir því að rússnesk stjórnvöld leysi Dmitry Skurikhin skilyrðislaust úr haldi án tafar.
Rússland
Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.
Kólumbía
Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Lýðstjórnarlýðveldið Kongó
Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.
Venesúela
Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.
Ísrael
Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
