Íran
Nazanin Zaghari-Ratcliffe er fertug bresk-írönsk kona. Hún hefur nú setið í meira en þúsund daga í írönsku fangelsi þar sem hún afplánar dóm en hún var sakfelld fyrir njósnir vorið 2016. Írönsk stjórnvöld búa ekki yfir neinum sönnunum sem styðja þessar ásakanir.
Nazanin Zaghari-Ratcliffe býr alla jafna í London ásamt eiginmanni sínum og ungri dóttur þeirra. Hún starfar fyrir Thomson Reuters hjálparstofnunina og hafa störf hennar þar verið notuð gegn henni og hún sökuð um að vera „meðlimur í ólöglegum samtökum“. Eftir ósanngjarna málsmeðferð og réttarhöld var hún dæmd í fimm ára fangelsi.
Þann 3. apríl 2016 var Nazanin á heimleið til London ásamt eins árs gamalli dóttur sinni Gabriellu. Þær höfðu verið í heimsókn hjá foreldrum Nazanin sem eru búsett þar. Á flugvellinum í Tehran voru þær mæðgur stöðvaðar af öryggisvörðum og Nazanin handtekin og sett í varðhald án þess að vera upplýst um ástæður handtökunnar. Gabriella dóttir hennar var færð í hendur foreldra Nazanin sem höfðu fylgt þeim á flugvöllinn. Breskt vegabréf Gabriellu var tekið af henni en síðar skilað aftur, hún er ekki með íranskt vegabréf.
Nazanin var ekki upplýst um ástæður handtökunnar og strax sett í einangrunarvist þar sem henni var haldið svo mánuðum skipti. Hún fékk ekki að hafa samband við fjölskyldu sína né lögfræðing. Fjölskylda hennar var heldur ekki upplýst um ástæður handtökunnar.
Eins og áður segir var Nazanin Zaghari-Ratcliffe dæmd í fimm ára fangelsi eftir ósanngjörn réttarhöld í september 2016 eftir að hafa verið sökuð um að vera „meðlimur í ólöglegum samtökum“. Hún fékk að tala við lögfræðing einungis þremur dögum fyrir réttarhöldin.
Fjölskylda Nazanin hefur lýst verulegum áhyggjum af heilsufari hennar í fangelsinu en hún er í miklu andlegu uppnámi og þjáist af þunglyndi. Í nóvember 2016 skrifaði hún sjálfsvígsbréf til fjölskyldu sinnar þar sem henni þótti óbærilegt að lifa við þessar aðstæður og fjarri dóttur sinni.
Írönsk stjórnvöld eru sögð ítrekað neita föngum aðgengi að heilbrigðisþjónustu, þá sérstaklega pólitískum föngum.
Nazanin Zaghari-Ratcliffe er samviskufangi sem þarf að leysa úr haldi strax! Skrifaðu undir núna og þrýstu á írönsk stjórnvöld að leysa Nazanin tafarlaust úr haldi svo hún komist heim til fjölskyldu sinnar!
Þín undirskrift getur bjargað mannslífi
Georgía
Andro Chichinadze, 29 ára leikari frá Georgíu, var dæmdur í tveggja ára fangelsi 3. september 2025 eftir þátttöku í mótmælum í Tbilisi. Hann er vel þekktur í Georgíu og hefur hann gagnrýnt stjórnvöld opinberlega og verið virkur þátttakandi í mótmælum frá nóvember til desember 2024.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
