Lögregla leysti upp friðsöm mótmæli íbúa þorpsins San Roque í Quezon City á Filippseyjum með ofbeldi. Mótmælendur kröfðust aðstoðar borgaryfirvalda vegna kórónuveirufaraldursins en allt samfélagið er í sóttkví. Tuttugu og einn mótmælandi var handtekinn og settur í varðhald í fimm daga þar til hópnum var sleppt gegn tryggingu.
Þann 1. apríl komu íbúar úr San Roque þorpinu í Quezon City saman við aðal þjóðveginn í Metro Manila eftir fréttir að hjálpargögnum yrði dreift þar. Þegar ekkert varð úr dreifingunni breyttist biðin í mótmæli þar sem krafist var aðstoðar frá yfirvöldum í Quezon City.
Samkvæmt sjónarvottum barði lögreglan mótmælendur með trékylfum og handtók þá sem neituðu að fara. Amnesty International ræddi við einn leiðtoga hópsins sem sagði að á meðal þolenda væru maður og barn hans sem voru á svæðinu í öðrum erindagjörðum.
Þessa fimm daga sem mótmælendurnir voru í haldi var þeim meinað um samskipti við ástvini sína og aðgang að mat. Þann 6. apríl var hópurinn látinn laus eftir að hafa lagt fram tryggingu að upphæð rúmlega einnar milljón króna sem safnað var með frjálsum framlögum. Þessi 21 einstaklingur stendur nú frammi fyrir ákæru um „ólögmæta samkomu“, „óhlýðni við fyrirmæli yfirvalda“, „dreifingu á röngum upplýsingum“, „ósamvinnuþýði í neyðarástandi í heilbrigðismálum“ og „hindrun aðgangs á vegum“.
Krefstu þess að lögreglan falli frá öllum ákærum á hendur 21 íbúa San Roque og að óháð rannsókn á valdbeitingu lögreglunnar fari fram. Auk þess er krafist að öllum íbúum San Roque verði veittur fullnægjandi aðgangur að mat, lyfjum og að öðrum grunnþörfum sé mætt ásamt stuðningi við framfylgni samfélagslegrar sóttkvíar.