Kína

Kínverskur leikstjóri handtekinn fyrir heimildamynd

Kínverski leik­stjórinn Chen Pinlin var hand­tekinn 5. janúar 2024 og er í haldi í Shanghai. Hann er í haldi fyrir það eitt að nýta tján­ing­ar­frelsið með frið­sam­legum hætti. 

Chen Pinlin er leik­stjóri heim­ilda­mynd­ar­innar „Urumqi Middle Road“ sem sýnir frá útbreiddum mótmælum „hreyf­ingar hvítu blað­anna“, sem voru frið­samleg mótmæli gegn þriggja ára útgöngu­banni  í tengslum við kórónu­veirufar­ald­urinn og harðri ritskoðun og eftir­liti í Kína. Chen setti heim­ilda­myndina á netið í nóvember 2023, ári eftir að „hreyfing hvítu blað­anna“ varð til. Hreyf­ingin mynd­aðist í kjölfar þess að háskóla­nem­endur héldu á hvítu blöðum til að mótmæla útgöngu­banni sem var talið hafa leitt til dauða tíu einstak­linga í bruna í Urumqi í Kína.  

Chen Pinlin er ákærður fyrir að „ýta undir deilur og vand­ræði“ og á yfir höfði sér allt að fimm ára fang­elsi. Amnesty Internati­onal hefur stað­fest eitt annað tilfelli í tengslum við „hreyf­ingu hvítu blað­anna“ en telur að enn fleiri einstak­lingar hafi verið hand­teknir en erfitt hefur reynst að  stað­festa fjölda þeirra. 

Amnesty Internati­onal hefur skráð fjölda mála í Kína þar sem einstak­lingar eru í haldi fyrir sömu ákærur og Chen Pinlin sem tengjast oft starfi þeirri í þágu tján­ing­ar­frelsis og mann­rétt­inda. Margir þeirra hafa sætt pynd­ingum og annarri illri meðferð. Fjöl­skylda Chen Pinlin hefur einnig verið áreitt af lögreglu sem er algengt í málum sem þessum í Kína. 

Skrifaðu undir og kallaðu eftir því að kínversk yfir­völd leysi Chen Pinlin skil­yrð­is­laust úr haldi án tafar og tryggi að hann sæti ekki pynd­ingum og annarri illri meðferð á meðan hann er enn í haldi.  

Auk þess er þess krafist að hætt verði að áreita fjöl­skyldu Chen Pinlin og tryggt að einstak­lingar sem tengjast „hreyf­ingu hvítu blað­anna“ og aðrir geti tjáð sig frið­sam­lega án ótta við hand­töku, hótanir og áreitni. 

Þau þurfa þína hjálp!

Þín undirskrift getur bjargað mannslífi

Íran

Hætta er á fleiri aftökum í tengslum við mótmæli

Að minnsta kosti tíu einstaklingar í Íran eiga yfir höfði sér aftöku í kjölfar dauðadóma í tengslum við mótmæli sem kennd voru við slagorðið „Kona, líf, frelsi“. Skrifaðu undir ákall um að írönsk stjórn­völd ógildi dauðadóma yfir friðsama mótmælendur og leysi úr haldi þá mótmæl­endur sem eru í haldi fyrir það eitt að tjá sig með frið­sam­legum hætti.

Bandaríkin

Hætta steðjar að umsækjendum um alþjóðlega vernd í Bandaríkjunum

Donald Trump, forseti Bandaríkjanna, hefur heitið því að hrinda í framkvæmd áform um brottvísanir sem beinast að milljónum innflytjenda og umsækjenda um alþjóðlega vernd. Bandarískum stjórnvöldum ber skylda samkvæmt alþjóðalögum að tryggja að lög þeirra, stefnur og verklag leiði ekki til aukinnar hættu á að brotið sé á mannréttindum innflytjenda og umsækjenda um alþjóðlega vernd. Skrifaðu undir ákall um að Trump forseti virði mannréttindi innflytjenda og umsækjenda um alþjóðlega vernd og hætti við þau áform um vísa fjölda fólks úr landi.

Haítí

Vernd fyrir börn gegn glæpagengjum á Haítí

Síaukið ofbeldi glæpagengja á Haítí bitnar verst á haítískum börnum. Þau eru svipt öruggu rými til að leika sér og læra og eru neydd til að alast upp í umhverfi þar sem ótti og óvissa ráða ríkjum. Vegna áskorana hjá haítískum yfirvöldum og aðgerðaleysis alþjóðasamfélagsins hefur neyðin aukist og skapað vítahring ofbeldis og vanrækslu. Skrifaðu undir ákall til haítískra yfirvalda og krefstu verndar fyrir börn á Haítí.

Ekvador

Binda þarf enda á notkun gasbruna í Amazon-skóginum

Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna, stuðli að réttlátum orkuskiptum þar sem dregið verður smám saman úr notkun jarðefnaeldsneytis.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

ÞITT NAFN BJARGAR LÍFI

Þú ætlar að styðja og .

Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Skrifaðu undir og Íslandsdeild Amnesty International sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu