Tyrkland

Krefjumst réttlætis fyrir nemendur vegna gleðigöngu

Þann 10. maí 2019 skipu­lögðu nemendur í einum virt­asta tækni­há­skóla Tyrk­lands Middle East Technical University (METU) gleði­göngu og hátíð­ar­höld til að fagna ástinni og fjöl­breyti­leik­anum. En frið­sömum og löglegum hátíð­ar­höld­unum var mætt með ofbeldi og hörku lögreglu sem beitti piparúða, plast­skotum og tára­gasi á mann­fjöldann. Að minnsta kosti 22 einstak­lingar voru hand­teknir með ólög­mætum hætti á háskóla­svæðinu og nú eiga 18 þeirra, auk eins starfs­manns skólans, yfir höfði sér tilhæfu­lausar ákærur fyrir þátt­töku í gleði­göng­unni. Rétt­ar­höldin yfir þeim hefjast 12. mars.

Mynd­bands­upp­tökur sýna að nemendur og starfs­fólk skólans höfðu safnast saman frið­sam­lega en þeim svo sagt að þau mættu ekki flagga regn­boga­fánum eða setjast á gras­fleti svæð­isins. Einnig var þeim bannað að flytja ávörp.

Ríkjum ber skylda til að leyfa fólki að standa fyrir frið­sömum samkomum. Í þessu tilfelli var brotið á rétti nemenda og starf­sólks METU með hörku og ofbeldi með fyrr­greindum afleið­ingum.

Netákalls­fé­lagar krefjast þess að ákærur á hendur 18 nemendum og einum starfs­manni METU verði látnar niður falla án tafar og ofbeld­is­fullar aðgerðir lögreglu verði rann­sak­aðar og ábyrgð­ar­að­ilar látnir svara til saka!

Þetta hugrakka unga fólk þarf á stuðn­ingi þínum að halda. Sýndu þeim stuðning í verki og skrifaðu undir ákallið strax!

 

Þau þurfa þína hjálp!

Þín undirskrift getur bjargað mannslífi

Marokkó

Marokkó: Blaðamaður áreittur af stjórnvöldum

Þann 29. júlí 2020 var blaðamaðurinn Omar Radi handtekinn og ákærður fyrir að grafa undan þjóðaröryggi og fyrir nauðgun. Marokkósk stjórnvöld hafa áreitt hann síðan skýrsla frá Amnesty International sem birt var í júní 2020 sýndi fram á að njósnað hefði verið um hann í gegnum síma hans. Omar Radi hefur verið ötull gagnrýnandi ríkisstjórnarinnar og hefur rannsakað spillingu stjórnvalda.

Hvíta-Rússland

Hvíta-Rússland: Verndum friðsama mótmælendur

Myndir og skýrslur sem varpa ljósi á ómannúðlegt lögregluofbeldi gegn friðsömum mótmælendum í Hvíta-Rússlandi, bæði á götum úti og í varðhaldi, hafa verið í fréttum um allan heim.

Venesúela

Venesúela: Fellið niður ákærur á hendur pólitísks fanga

Óeinkennisklæddir lögreglumenn handtóku Nicmer Evans, stjórnmálafræðing, þann 13. júlí 2020 í Caracas í Venesúela. Þeir eru liðsmenn öryggissveitar hersins (DGCIM) og annarrar sérdeildar innan hersins (CICPC).

Íran

Íran: Íranskur Kúrdi á yfir höfði sér dauðadóm

Arsalan Khodkam hlaut dauðadóm fyrir „njósnir“ eftir óréttlát réttarhöld sem stóðu yfir í 30 mínútur. Dómurinn var byggður á játningu sem náð var fram með pyndingum. Hann hefur ekki fengið að velja sér lögfræðing. Dauðadómur fyrir njósnir brýtur gegn alþjóðalögum. 

Mósambík

Mósambík: Leysið flóttafólk og umsækjendur um alþjóðlega vernd úr haldi

Hópur flóttafólks og umsækjenda um alþjóðlega vernd hefur verið í haldi að geðþótta í Pemba, í norðausturhluta Mósambík í meira en eitt og hálft ár við hræðilegar aðstæður á lögreglustöð. Um er að ræða sextán einstaklinga frá Lýðstjórnarveldinu Kongó og Eþíópíu. Vegna kórónuveirufaraldursins er heilsa þeirra í enn frekari hættu.

Kína

Kína: 70 ára Úígúra haldið í einangrun

Ekkert hefur heyrst frá Qurban Mamut síðan í nóvember 2017. Hann er Úígúri og fyrrum ritstjóri Xianjiang Civilization, sem fjallar um menningu og sögu Úígúra í Xianjiang í Kína. Qurban Mamut heimsótti son sinn, Bahram Sintash, í Bandaríkjunum í febrúar 2017.

Indónesía

Indónesía: Sjö aðgerðasinnar handteknir fyrir mótmæli

Þann 17. júní 2020 voru sjö aðgerðasinnar frá Papúa, svæði sem tilheyrir Indónesíu, sakfelldir fyrir landráð og dæmdir í 10 – 11 mánaða fangelsi fyrir aðild þeirra í mótmælum í ágúst 2019. Þeir voru handteknir eingöngu fyrir að nýta tjáningarfrelsið og standa fyrir friðsælum mótmælum. Þeir eru samviskufangarsem verður að leysa úr haldi strax.

Ungverjaland

Ungverjaland: Verndum réttindi trans og intersex fólks

Þann 28. maí staðfesti forseti Ungverjalands ný lög sem samþykkt voru á þingi 19. maí og banna breytingu á kynskráningu. Sérstakur eftirlitsmaður um grundvallarmannréttindi í Ungverjalandi (e. Hungary’s Commissioner for Fundamental Rights) getur komið í veg fyrir að lögin verði að veruleika með því að kalla eftir endurskoðun á þeim. Ef eftirlitsmaðurinn bregst ekki við er alvarlega vegið að réttindum trans og intersex fólks og hætta á að lögin ýti undir frekari árásir og hatursglæpi gegn þessum hópum.