Ísrael
Palestínski læknirinn Hussam Abu Safiya er framkvæmdastjóri Kamal Adwan-spítalans og hefur tjáð sig um hrun heilbrigðiskerfisins á Gaza. Hann var handtekinn að geðþótta af ísraelskum yfirvöldum 27. desember 2024 og hefur verið í haldi síðan.
Handtekinn við störf sín
Ísraelsher réðst inn á Kamal Adwan-spítalann, einn þeirra síðustu sem enn er starfandi á Gaza, og handtók Hussam Abu Safiya ásamt öðru heilbrigðisstarfsfólki og sjúklingum.
Hussam hefur rekið spítalann af elju og veitt börnum nauðsynlega læknisþjónustu. Hann varð sjálfur vitni að hruni heilbrigðiskerfisins á Gaza vegna hópmorðs Ísraels á Palestínubúum og hélt áfram störfum sínum þrátt fyrir að hafa misst son sinn í loftárás Ísraels. Hussam var handtekinn við að sinna sjúklingum sínum og skyldum á spítalanum, líkt og annað heilbrigðisstarfsfólk á undan honum.
Ill meðferð í fangelsi
Ísraelsk yfirvöld leyfðu Hussam ekki að hitta lögfræðing fyrr en 11. febrúar 2025. Í síðustu heimsókn til hans í herfangelsi í byrjun júlí greindi lögfræðingur hans frá því að Hussam Abu Safiya og aðrir fangar sættu barsmíðum í haldi. Lögfræðingurinn sagði einnig að Hussam hefði orðið fyrir verulegu þyngdartapi þar sem fangelsismálayfirvöld Ísraels setja harkalegar takmarkanir á aðgang palestínskra fanga að mat og læknismeðferð ásamt því að hreinlæti er með skertu móti.
án ákæra og réttarhalda
Hussam Abu Safiya er í varðhaldi að geðþótta án ákæra og réttarhalda á grundvelli grimmilegrar löggjafar. Ísrael hefur ráðist á palestínskt heilbrigðisstarfsfólk og lagt heilbrigðiskerfið á Gaza í rúst með kerfisbundnum hætti þar sem ásetningurinn er að þröngva Palestínubúum til þess að búa við lífsskilyrði sem miða að líkamlegri eyðingu þeirra.
Gríptu til aðgerða
Skrifaðu undir til að krefja ísraelsk stjórnvöld um að leysa Hussam Abu Safiya og annað palestínskt heilbrigðisstarfsfólk skilyrðislaust úr haldi án tafar.
Þín undirskrift getur bjargað mannslífi
Ísrael
Palestínski læknirinn Hussam Abu Safiya er framkvæmdastjóri Kamal Adwan-spítalans og hefur tjáð sig um hrun heilbrigðiskerfisins á Gaza. Hann var handtekinn að geðþótta af ísraelskum yfirvöldum 27. desember 2024 og hefur verið í haldi síðan þá.
Tyrkland
Enes Hocaoğulları er 23 ára mannréttindafrömuður og hinsegin aðgerðasinni. Hann var færður í gæsluvarðhald að geðþótta þann 5. ágúst eftir handtöku á flugvellinum í Ankara í Tyrklandi við komuna til landsins vegna ræðu sem hann hélt hjá Evrópuráðinu. Hann var ákærður 8. ágúst fyrir að „dreifa blekkjandi upplýsingum opinberlega“ og „ýta undir hatur og óvild á meðal almennings“. Hann á yfir höfði sér allt að sex ára fangelsi.
Hong Kong
Owen Chow Ka-shing er ungur aðgerðasinni sem hefur beitt sér fyrir lýðræði í Hong Kong. Hann var virkur þátttakandi í mótmælahreyfingu sem kennd var við regnhlífar árið 2014 og í mótmælum gegn frumvarpi um framsal frá Hong Kong til Kína árið 2019. Chow er í fangelsi fyrir að nýta tjáningar- og fundafrelsið með friðsamlegum hætti. Hann afplánar nú 12 ára og 10 mánaða dóm.
Búlgaría
Fjölskyldur Rómafólks voru bornar út og hús þeirra rifin niður. Nær 200 manneskjur urðu heimilislausar, þar með talin börn, eldri borgarar, barnshafandi konur og fatlað fólk. Skrifaðu undir ákall þar sem krafist er að búlgörsk yfirvöld veiti Rómafjölskyldunum sem urðu fyrir útburðinum viðunandi húsnæði, heilbrigðisþjónustu og félagsaðstoð.
Fílabeinsströndin
Hettuklæddir menn handtóku Ghislain Duggary Assy, upplýsingafulltrúa stéttarfélags kennara, í kjölfar þess að bandalag stéttarfélaga kennara blés til verkfalls á Fílabeinsströndinni. Ghislain fékk tveggja ára fangelsisdóm. Skrifaðu undir ákall um að Ghislain Duggary Assy verði leystur úr haldi, tafarlaust og án skilyrða.
Rússland
Í Rússlandi eru þúsundir úkraínskra hermanna og óbreyttra borgara í haldi. Fjölskyldur stríðsfanganna fá engar upplýsingar og ná ekki sambandi við fjölskyldumeðlimi sem eru í haldi. Þær leita örvæntingafull upplýsinga um ástvini sína og fjölskyldumeðlimi. Margir fangar njóta ekki grundvallarréttinda svo sem að eiga í samskiptum við ástvini og fjölskyldur og verða fyrir ómannúðlegri meðferð eins og pyndingum, kynferðisofbeldi og er synjað um heilbrigðisþjónustu á sama tíma og heilsu þeirra hrakar. Þessi meðferð fanga telst til stríðsglæpa og glæpa gegn mannúð. Skrifaðu undir ákall um að rússnesk yfirvöld bindi enda á þessa stríðsglæpi og glæpi gegn mannúð.
Haítí
Síaukið ofbeldi glæpagengja á Haítí bitnar verst á haítískum börnum. Þau eru svipt öruggu rými til að leika sér og læra og eru neydd til að alast upp í umhverfi þar sem ótti og óvissa ráða ríkjum. Vegna áskorana hjá haítískum yfirvöldum og aðgerðaleysis alþjóðasamfélagsins hefur neyðin aukist og skapað vítahring ofbeldis og vanrækslu. Skrifaðu undir ákall til haítískra yfirvalda og krefstu verndar fyrir börn á Haítí.
Ekvador
Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna, stuðli að réttlátum orkuskiptum þar sem dregið verður smám saman úr notkun jarðefnaeldsneytis.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
