Rússland
Stjórnarandstæðingurinn Aleksei Navalny var handtekinn af ólögmætum ástæðum og hefur verið dæmdur í tveggja og hálfs árs fangelsi. Heilsu hans fer hrakandi með hverjum degi á meðan hann er í fangelsi. Leysa þarf hann tafarlaust úr haldi og ef töf verður á lausn hans úr varðhaldi þarf að tryggja að hann fái læknisaðstoð frá læknum sem hann getur treyst.
Navalny veiktist alvarlega í flugi á leið til Moskvu frá Síberíu, þann 20. ágúst 2020. Sérfræðingar frá fjölmörgum löndum staðfestu að eitrað hefði verið fyrir honum með taugaskemmandi eitri sem er einungis notað í hernaði og heitir Novichok. Navalny var fluttur tveimur dögum síðar til Þýskalands í læknismeðferð, meðvitundarlaus og við afar slæma heilsu.
Navalny snéri aftur til Rússlands 17. janúar 2021 og var samstundis færður í varðhald. Rússnesk yfirvöld dæmdu hann í tveggja ára og átta mánaða fangelsi (síðar lækkað í tvö og hálft ár) fyrir brot á skilorði. Brotið fólst í því að hann var ekki í samskiptum við skilorðsfulltrúa sinn á sama tíma og hann undirgekkst læknismeðferð sem var nauðsynleg til að bjarga lífi hans.
Heilsu Aleksei Navalny hefur hrakað alvarlega í fangavistinni. Hann er með lamandi verk í baki og doða í fótum. Læknar eru sammála um að eftirmálar af Novichok eitruninni séu alvarlegir og að Navalny þurfi vandaða og langvarandi læknisaðstoð. Þann 31. mars hóf Navalny hungurverkfall til að mótmæla fangelsisyfirvöldum sem meinuðu honum viðeigandi læknisaðstoð.
Rússnesk fangelsisyfirvöld bera ábyrgð á viðeigandi læknisaðstoð fanga en þrátt fyrir ítrekaðar beiðnir hefur Navalny verið hafnað að fá aðgang að lækni að eigin vali.
Navalny hefur einnig greint frá því að honum sé meinaður svefn þar sem fangaverðir vekja hann á klukkutíma fresti á hverri nóttu.
Rússlandi ber skylda til að virða og vernda rétt fanga til lífs og heilsu og vernda þá gegn pyndingum og annarri illri meðferð.
Ógnanir og aðsóknir að stjórnarandstæðingum mega ekki viðgangast. Þrýstu á Vladimir Putin forseta Rússlands að leysa Aleksei Navalny tafarlaust úr haldi og tryggja að hann fái trausta læknisaðstoð á meðan hann er í fangelsi.
Þín undirskrift getur bjargað mannslífi
Rússland
Dmitry Skurikhin er verslunareigandi og aðgerðarsinni sem afplánar 18 mánaða dóm á fanganýlendu í Rússlandi fyrir brot á ritskoðunarlögum um hernað. Skrifaðu undir og kallaðu eftir því að rússnesk stjórnvöld leysi Dmitry Skurikhin skilyrðislaust úr haldi án tafar.
Rússland
Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.
Kólumbía
Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Lýðstjórnarlýðveldið Kongó
Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.
Venesúela
Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.
Ísrael
Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
