Rússland

Rússland: Heilsu Tatara í haldi hrakar

Edem Bekirov Tatari frá Krímskaga, hefur setið í varð­haldi í borg­inni Simferopol frá því að rúss­neskar örygg­is­sveitir hand­tóku hann þann 12. desember 2018. Edem Bekirov notast við hjóla­stól og glímir við alvarleg heilsu­far­svandamál og krefst sérhæfðrar lækn­is­að­stoðar sem stendur honum ekki til boða í varð­haldinu. Eftir síðustu heim­sóknina, 24. maí s.l. lýsti lögfræð­ingur Edem áhyggjum yfir heilsu hans sem færi veru­lega hrak­andi.

Edem Bekirov er af þjóð­ar­broti Tatara frá Krímskaga sem er í minni­hluta í Úkraínu. Hluti fjöl­skyldu Edems býr enn á Krímskag­anum sem Rússar hertóku og innlimuðu árið 2014. Þann 12. desember 2018 var Edem Bekirov að heim­sækja móður sína og fleiri ættingja á Krímskag­anum þegar hann var hand­tekinn af rúss­neskum örygg­is­sveitum. Í kjölfar hand­tök­unnar hlaut hann ómann­úð­lega og niður­lægj­andi meðferð, hann fékk hvorki aðgang að lækn­is­þjón­ustu né mat eða drykk í tvo daga. Réttur hans til rétt­látrar máls­með­ferðar hefur ekki verið virtur. Hann var ásak­aður um að hafa sprengi­efni og skot­færi í fórum sínum. Ásak­anir sem þessar eru gjarnan notaðar af rúss­neskum lögreglu­yf­ir­völdum í þeim tilgangi að herja á einstak­linga og ákæra þá handa­hófs­kennt af póli­tískum ástæðum. Edem Bekirov hefur ávallt haldið fram sakleysi sínu.

Allt frá hernámi og ólög­legri innleið­ingu Rússa á Krímskag­anum árið 2014 hefur Amnesty Internati­onal safnað gögnum um kerf­is­bundnar ofsóknir gegn Töturum frá Krímskaga af hálfu rúss­neskra yfir­valda sem má lesa um nánar í skýrslu samtak­anna In the dark: The silencing of dissent

Mál Edems Bekirovs ásamt málum annarra Tatara frá Krímskaga hefur náð athygli Evrópu­ráðsins og Evrópu­sam­andsins sem má lesa um nánar hér.

Þrýstu á rúss­nesk stjórn­völd að veita Edem Bekirov viðeig­andi lækn­is­þjón­ustu og rétt­láta máls­með­ferð. Skrifaðu undir málið núna!

Þau þurfa þína hjálp!

Þín undirskrift getur bjargað mannslífi

Simbabve

Lækni rænt af heimili sínu

Peter Magombeyi, læknir og forseti Félags sjúkrahúslækna í Simbabve, var rænt af heimili sínu í Harare Budiriro að næturlagi af þremur vopnuðum mönnum þann 14. september síðastliðinn. Aðilar grunaðir um að starfa fyrir leyniþjónustu Simbabve höfðu hótað honum að hann myndi hverfa sporlaust með valdi ef hann hætti ekki afskiptum sínum af verkfalli lækna.

Indland

Skert tjáningarfrelsi í Kasmír

Frá 5. ágúst síðastliðnum hefur ríkt fjarskiptabann í Kasmír-héraði, fyrirskipað af indverskum stjórnvöldum. Þá hefur íbúum héraðsins einnig verið sett útgöngubann sem kemur í veg fyrir að fólk geti farið út af heimili sínu eða átt samskipti hvort við annað og umheiminn.

Suður-Afríka

Menntakerfi sem viðheldur ójöfnuði

Þó að 25 ár séu liðin frá því að lög um aðskilnaðarstefnu voru afnumin í Suður-Afríku gætir enn mikils ójöfnuðar í menntakerfi landsins. Arfleifð kynþáttamismununar í menntakerfinu einkennist meðal annars af slæmum árangri nemenda í grunn- og framhaldsskóla, yfirfullum kennslustofum, ófullnægjandi aðstöðu og námsgögnum tug þúsunda nemenda.

Grikkland

Krefjumst réttlætis fyrir Zak

Zak Kostopoulos, grískur samkynhneigður aðgerða- og mannréttindasinni lést þann 21. september 2018 í kjölfar fólskulegrar líkamsárásar. Zak, einnig þekktur undir drag-sviðsnafninu Zackie Oh, var baráttumaður fyrir réttindum hinsegin fólks og HIV- smitaðra.

Ekvador

Verndum umhverfissinna í Amason-regnskóginum

Þær Patricia Gualinga, Nema Grefa, Salomé Aranda og Margoth Escobar hætta lífi sínu og fjölskyldna sinna daglega við störf sín í Amason-skóginum. Störf þeirra felast í því að vernda stærsta regnskóg heims með því að berjast gegn pólitískum og efnahagslegum öflum sem tengjast jarðefnavinnslu á landsvæðum frumbyggja í Amason.

Íran

Bresk-írönsk kona sökuð um njósnir

Nazanin Zaghari-Ratcliffe er fertug bresk-írönsk kona. Hún hefur nú setið í meira en þúsund daga í írönsku fangelsi þar sem hún afplánar dóm en hún var sakfelld fyrir njósnir vorið 2016. Írönsk stjórnvöld búa ekki yfir neinum sönnunum sem styðja þessar ásakanir.

Danmörk

Kynlíf án samþykkis er nauðgun

Dönsk stjórnvöld hafa ekki sett samþykki í forgrunn við skilgreiningu á hugtakinu nauðgun í hegningarlögum landsins. Lögin vísa eingöngu til ofbeldis eða hótana. Aðeins 8 lönd af 31 Evrópulandi hafa sett kröfu um samþykki við skilgreiningu á hugtakinu nauðgun og er Ísland eitt þeirra.

Filippseyjar

Stöðvum árásir á mannréttindasinna

Þann 22. apríl fékk mannréttindasinninn Christina Palabay textaskilaboð frá nafnlausum aðila þar sem hún var vöruð við því að hún og nokkrir aðrir sem tilheyra mannréttindasamtökunum Karapatan á Filippseyjum verði myrt á þessu ári. Nokkrum klukkustundum áður var meðlimur Karapatan, Bernadino Patigas, skotinn til bana í borginni Escalante í Negros-héraðinu í norðuhluta Filippseyja.