Sri Lanka

Sri Lanka: Aftaka þrettán fanga yfirvofandi!

Dauðarefs­ingu hefur ekki verið beitt á Sri Lanka í 43 ár en fréttir herma að forseti landsins Mait­hripala Sirisena sé að leggja drög að aftökum fanga á dauða­deild. Algjör leynd ríkir yfir því hvaða einstak­linga á að taka af lífi og engum upplýs­ingum um mál þeirra hefur verið deilt með almenn­ingi. Ekki er vitað hvort þessir einstak­lingar hafi hlotið sann­gjörn rétt­ar­höld, haft aðgang að lögfræð­ingum eða átt kost á náðun­ar­áfrýjun. Síðasta aftakan sem átti sér stað á Sri Lanka var árið 1976. Árið 2019 má ekki vera árið sem við sjáum slíka afturför eiga sér stað!

Góð frétt: Amnesty Internati­onal náði þeim árangri að stöðva tíma­bundið fyrstu aftökur í Sri Lanka í 43 ár með fjöl­miðla­at­hygli, stuðn­ingi við mótmæli og þrýst­ingi á stjórn­völd.

Talið er að stjórn­völd landsins hyggist beita dauðarefs­ing­unni gegn vímu­efna­tengdri glæp­a­starf­semi. Ef dauð­refs­ing­unni verður beitt á Sri Lanka brýtur það í bága við alþjóðalög og viðmið og getur hún bitnað á þeim sem ekki hafa fengið sann­gjörn rétt­ar­höld eða hafa veikt félags­legt og fjár­hags­legt bakland.

Engar sann­anir eru fyrir því að beiting dauðarefs­ingar muni stöðva vímu­efna­tengda glæpi. Nokkur lönd sem beitt hafa henni á síðustu árum, þar með talin lönd á borð við Íran og Malasíu, viður­kenna að hún sé refsi­að­ferð sem virkar ekki gegn vímu­efna­tengdum glæpum.

Ósann­gjörn máls­með­ferð í rétt­ar­kerfinu er ekki aftur­kræf. Þessi refsing er endanleg, mistök eru óbæt­anleg og geta þýtt að saklausir einstak­lingar hljóti þessi örlög.

Skrifaðu undir ákallið strax og þrýstu á forseta Sri Lanka að hverfa frá þeirri ákvörðun að beita dauðarefs­ing­unni!

Þau þurfa þína hjálp!

Þín undirskrift getur bjargað mannslífi

Víetnam

Meðlimir sjálfstæðrar bókaútgáfu pyndaðir af lögreglu

Meðlimir bókaútgáfunnar Liberal Publishing House sem er sjálfstætt rekin bókaútgáfa og selur bækur sem stjórnvöld telja innihalda viðkvæmar upplýsingar hafa verið fangelsaðir og pyndaðir af lögreglu í borginni Ho Chi Minh í Víetnam. Frá því í október á síðasta ári hafa hundruð einstaklinga, bæði viðskiptavinir og starfsfólk, verið áreittir og ógnað af lögreglu vegna tengsla þeirra við Liberal Publishing House. Bókaútgáfan sem var stofnuð í febrúar 2019 gefur út fræðibækur um stjórnmál, stefnumál stjórnvalda og önnur samfélagsleg málefni.

Indland

Handtekin fyrir að mótmæla harðneskjulegum lögum

Aðgerðasinnarnir Meeran Haider, Shifa-Ur-Rehman og Safoora Zargar voru handtekin í apríyrir friðsöm mótmæli í febrúar gegn breytingum á lögum um ríkisborgararétt. Safoora er þunguð og komin þrjá mánuði á leið. Breytingarlögin heimila mismunun á grundvelli trúarbragða og ganga í berhögg við stjórnarskrá Indlands og alþjóðamannréttindalög.

Sri Lanka

Lögfræðingur í haldi

Hejaaz Hizbullah, þekktur lögfræðingur á Sri Lanka var handtekinn 14. apríl síðastliðinn og hefur setið í varðhaldi síðan án ákæru og aðgengis að lögfræðingi. Fjölskylda hans telur Hejaaz vera skotspón stjórnvalda vegna vinnu sinnar, ekki síst mannréttindabaráttu í þágu múslima sem eru minnihlutahópur í landinu.

Filippseyjar

Íbúar í leit að aðstoð vegna COVID-19 ákærðir

Lögregla leysti upp friðsöm mótmæli íbúa þorpsins San Roque í Quezon City á Filippseyjum með ofbeldi. Mótmælendur kröfðust aðstoðar borgaryfirvalda vegna  kórónuveirufaraldursins en allt samfélagið er í sóttkví. Tuttugu og einn mótmælandi var handtekinn og settur í varðhald í fimm daga þar til hópnum var sleppt gegn tryggingu.

Tyrkland

Ranglega fangelsaðir og í mestri hættu vegna COVID-19 verði leystir úr haldi

COVID-19 faraldurinn dreifist hratt í Tyrklandi um þessar mundir og líf þúsunda fanga og fangavarða í yfirfullum og óhreinum fangelsum eru í mikilli hættu. Nýlega greindu stjórnvöld frá fyrirhuguðum aðgerðum sínum um lagasetningu sem gæti leitt til þess að 100.000 fangar verði leystir úr haldi fyrr en áætlað var. Umræddar aðgerðir eru skref í rétta átt en ekki nóg.

Bandaríkin

Farandfólk og umsækjendur um alþjóðlega vernd í hættu vegna covid-19

Á sama tíma og heimurinn bregst við fordæmalausum aðstæðum sem skapast hafa vegna kórónuveirunnar eru fullorðnir og börn, vistuð í varðhaldi á vegum innflytjendaeftirlits Bandaríkjanna í yfirfullum rýmum, í mikilli smithættu og með takmarkaðan aðgang að heilbrigðisþjónustu.

Kína

Kína hætti ofsóknum gegn Úígúrum

Allt að ein milljón einstaklinga, aðallega minnihlutahópar múslima, hefur verið handtekin að geðþótta og komið fyrir í svokölluðum endurmenntunarbúðum í Xinjiang-héraði í norðvesturhluta Kína. Þeirra á meðal eru Úígúrar, Kasakar og önnur þjóðarbrot sem eiga sér sterkar trúarlegar og menningarlegar rætur.

Bandaríkin

Bandaríkin felli niður ákærur á hendur Julian Assange

Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.

Íran

Íslensk stjórnvöld beiti sér á alþjóðavettvangi

Í Íran fer ástand mannréttinda stöðugt versnandi. Stjórnvöld brjóta á rétti borgara sinna til tjáningarfrelsis, félaga- og fundafrelsis. Konur verða fyrir margvíslegri mismunun og þeim refsað fyrir að láta sjá sig opinberlega án höfuðslæðu. Baráttukonur fyrir mannréttindum eru fangelsaðar fyrir að mótmæla ástandinu með friðsömum hætti. Pyndingum og annarri illri meðferð er beitt án þess að gerendur séu dregnir til ábyrgðar. Þá er dauðarefsingin enn lögleg í Íran, auk þess sem aftökur eru framkvæmdar án dóms og laga.