Ungverjaland

Ungverjaland: Verndum réttindi trans og intersex fólks

Þann 28. maí stað­festi forseti Ungverja­lands ný lög sem samþykkt voru á þingi 19. maí og banna breyt­ingu á kynskrán­ingu. Sérstakur eftir­lits­maður um grund­vall­ar­mann­rétt­indi í Ungverjalandi (e. Hungary’s Comm­issi­oner for Funda­mental Rights) getur komið í veg fyrir að lögin verði að veru­leika með því að kalla eftir endur­skoðun á þeim. Ef eftir­lits­mað­urinn bregst ekki við er alvar­lega vegið að rétt­indum trans og intersex fólks og hætta á að lögin ýti undir frekari árásir og haturs­glæpi gegn þessum hópum.

Samkvæmt alþjóð­legum mann­rétt­inda­lögum eiga einstak­lingar rétt á að skrá kyn sitt á auðveldan og aðgengi­legan hátt eftir þeirra eigin skil­grein­ingu. Tryggja verður að einstak­lingar hafi aðgang að skjölum sem inni­halda nafn og kyn þeirra án þess að utan­að­kom­andi aðilar ákvarði skrán­ingu.

Nýju ákvæðin í lögunum stangast á við alþjóðleg mann­rétt­indalög og almenn rétt­indi í Ungverjalandi.

Í Ungverjalandi verður trans og intersex fólk oft fyrir mismunun, sérstak­lega þegar kemur að atvinnu, menntun og húsnæði. Nýju lögin skerða enn frekar rétt­indi þessara hópa og munu leiða til enn frekari mismun­unar.

Einstak­lingar eiga rétt á að skrá kyn sitt samkvæmt sinni eigin skil­grein­ingu. Ungverja­land verður að tryggja að breyting á kynskrán­ingu verði áfram aðgengileg.

Skrifaðu undir og krefstu þess að lögin verði endur­skoðuð!

Þau þurfa þína hjálp!

Þín undirskrift getur bjargað mannslífi

Rússland

Afnema verður ritskoðunarlög sem kæfa andóf

Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.

Ísrael

Tryggja þarf mannúðaraðstoð til Gaza

Skrifaðu undir og krefstu þess að forsætisráðherra Ísraels komi í veg fyrir að mannúðarneyðin aukist enn frekar og framfylgi úrskurði Alþjóðadómstólsins með því  að tryggja mannúðaraðstoð og læknisaðstoð fyrir alla íbúa Gaza í samræmi við alþjóðalög.

Kólumbía

Verndum mannréttindafrömuði í Kólumbíu

Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

Lýðstjórnarlýðveldið Kongó

Stöðvið þvingaða brottflutninga í Kolwezi

Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.

Venesúela

Leysið úr haldi ranglega fangelsaða Venesúelabúa

Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.

Ísrael

Stöðva þarf tæknivædda aðskilnaðarstefnu gegn Palestínubúum

Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.