SMS
7. júní 2021Hvíta-Rússland: Blaðamaður numinn á brott og pyndaður eftir að flugvél sem hann var í var gert að lenda
Raman Pratasevich, blaðamaður frá Hvíta-Rússlandi á flótta sem hefur gagnrýnt hvítrússneska ríkisstjórnina, var ólöglega handtekinn þann 23. maí af stjórnvöldum í Hvíta-Rússlandi ásamt maka sínum, Sofiu Sapega. Þau voru í flugi frá Aþenu til Vilníus þegar vélinni var beint í aðra átt og gert að lenda í Minsk vegna sprengjuhótunar. Raman Pratasevich var eftirlýstur í heimalandi sínu vegna „hryðjuverka“ fyrir vinnu sína sem blaðamaður. Verði hann dæmdur sekur á hann yfir höfði sér 20 ára fangelsisvist.
Ásamt því að vera blaðamaður er Raman meðstofnandi NEXTA, sjónvarpsstöðvar sem upplýsti áhorfendur um friðsæl mótmæli gegn spilltum niðurstöðum í forsetakosningum í ágúst 2020. Hann hefur hann búið erlendis síðan 2019 vegna ótta um öryggi sitt. Hann var ákærður í Hvíta-Rússlandi í nóvember 2020 fyrir að skipuleggja uppþot meðal almennings og hvetja til haturs.
Hann var fyrstur til að vera settur á lista í Hvíta-Rússlandi yfir hryðjuverkafólk
Ákærur á hendur Sofiu eru óþekktar og ekki er vitað til þess að parið hafi fengið að hitta lögfræðinga. Myndband hefur verið lekið þar sem Raman sést í herbergi með bólgið andlit og mar á enni. Þar játar hann sök en segir að komið sé vel fram við sig. Svona myndbönd eru vel þekkt í Hvíta-Rússlandi þar sem játningu er náð fram með pyndingum og þau birt til að ógna andstæðingum ríkisstjórnarinnar.
Pyndingar og ill meðferð eru útbreidd í landinu og notuð gegn andstæðingum Alyaksandr Lukashenka forseta landsins, sem segist hafa unnið kosningarnar í ágúst 2020. Eftir mótmæli sem brutust út eftir kosningarnar voru yfir 30 þúsund einstaklingar handteknir eða sektaðir. Hundruð þeirra sögðust hafa sætt pyndingum. Nokkur hundruð mótmælenda hafa verið ákærðir og margir þeirra hlotið langa fangelsisdóma í kjölfar óréttlátra réttarhalda.
SMS-félagar krefjast þess að Raman og Sofia verði skilyrðislaust leyst úr haldi og án tafar.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu