Tilkynning
10. desember 2019Amnesty International þykir miður að þurfa að tilkynna að Kumi Naidoo, aðalframkvæmdastjóri samtakanna, hefur tekið þá ákvörðun, eftir að hafa ráðfært sig við lækni, að segja starfi sínu lausu af heilsufarsástæðum.
Aðstoðarframkvæmdastjóri samtakanna, Julie Verharr, hefur tekið við stöðu Kumis og verður starfandi aðalframkvæmdastjóri þar til nýr verður ráðinn.
„Ég hef lengi litið á Amnesty International sem eitt mikilvægasta alþjóðlega aflið og það var þung ákvörðun að segja upp starfi mínu. Samtökin þurfa framkvæmdastjóra sem getur tekið slaginn af fullum krafti á þann hátt sem sæmir stöðunni, samtökunum og mannréttindabaráttunni,“ segir Kumi Naidoo, fráfarandi aðalframkvæmdastjóri Amnesty International.
„Það hafa verið mikil forréttindi að vinna með framúrskarandi starfsfólki og sjálfboðaliðum sem leggja sig öll fram í starfi sínu á alþjóðaskrifstofunni og í landsdeildum okkar víða um heim. Af heilsufarsástæðum get ég því miður ekki annað en tekið þessa erfiðu ákvörðun um að láta af störfum. Ég verð að ná heilsu og finna nýjar leiðir til að taka þátt í baráttunni fyrir réttlæti.“
„Við tókum á móti uppsögn Kumi með trega en einnig skilningi. Sem starfandi aðalframkvæmdastjóri sýndi hann sanna forystuhæfni í að leiða okkur áfram í nýrri heildarstefnu samtakanna og tryggja að við værum vel undir það búin að takast á við þær áskoranir mannréttindabaráttunnar sem heimurinn stendur frammi fyrir,“ segir Sarah Beamish, formaður alþjóðastjórnar Amnesty International.
Svo framarlega sem heilsufar Kumis leyfir mun hann starfa út desembermánuð til að ganga frá ýmsum málum. Kumi lætur formlega af öllum störfum fyrir Amnesty International í janúar þegar veikindaleyfi hans hefst.
Íslandsdeild Amnesty International þakkar Kumi Naidoo fyrir störf sín og óskar honum velfarnaðar í framtíðinni.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu