SMS
18. febrúar 2021Bandaríkin: Fellið niður ákærur á hendur blaðakonu
Í lok maí 2020 handtók lögreglan í Iowa blaðakonuna Andreu Sahouri í mótmælum Black Lives Matter-hreyfingarinnar þar sem hún var við störf að fjalla um mótmælin. Lögregla spreyjaði piparúða á hana þrátt fyrir að hún hafði ítrekað sagst vera blaðakona. Réttarhöld eiga að byrja í mars.
Samkvæmt nýútkominni skýrslu frá samtökum frjálsrar fjölmiðlunar voru 117 blaðamenn handteknir við störf í Bandaríkjunum árið 2020. Andrea er ein af að minnsta kosti 16 blaðamönnum sem eiga enn yfir höfði sér ákærur. Fjallað var um mál Andreu í skýrslu Amnesty í ágúst 2020 þar sem greint var frá því hvernig lögreglan hefur framið stórfelld mannréttindabrot gegn mótmælendum, fjölmiðlafólki og fleirum í tengslum við Black lives matter-mótmæli sem hefur til að mynda leitt saklausa einstaklinga til dauða.
Taktu þátt í starfi Amnesty og skráðu þig í sms-aðgerðanetið hér!
Skráð voru 125 tilvik um lögregluofbeldi gegn mótmælendum í 40 fylkjum Bandaríkjanna frá 26. maí – 5. júní 2020 þar á meðal vegna barsmíða og misbeitingu táragass, piparúða og gúmmíkúla.
Þessi brot lögreglunnar gagnvart friðsömum mótmælendum voru alls ekki nauðsynleg og vægast sagt svívirðileg þar sem það var einmitt verið að mótmæla lögregluofbeldi.
Bandarísk stjórnvöld eru samkvæmt stjórnarskrá og alþjóðalögum skyldug til að tryggja réttinn til að koma friðsamlega saman.
Stjórnvöld í Bandaríkjunum verða að rannsaka árásirnar, sækja þá til saka sem eru ábyrgir og greiða skaðabætur til fórnarlamba þessara árása.
SMS-félagar krefjast þess að allar ákærur á hendur Andreu verði látnar falla niður.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu