SMS
18. mars 2021Teiknarinn Ahmed Kabir Kishore og rithöfundurinn Mushtaq Ahmed voru færðir í varðhald í maí 2020, annars vegar fyrir að birta skopmyndir á Facebook og hins vegar fyrir gagnrýni á viðbrögð stjórnvalda í Bangladess við Covid-19. Mushtaq var neitað um lausn gegn tryggingu sex sinnum og lést í fangelsi 25. febrúar 2021. Ahmed á yfir höfði sér 10 ára fangelsisdóm einungis fyrir að nýta tjáningarfrelsið sitt.
Taktu þátt í starfi Amnesty og skráðu þig í sms-aðgerðanetið hér!
Ahmed hlaut áverka í kjölfar pyndinga. Hann er með sykursýki og þarfnast insúlíns en hann var með of háan blóðsykur í varðhaldi. Honum blæddi í hægra eyra sem olli því að hann hefur misst heyrn. Að auki hefur hann upplifað mikinn sársauka í fæti.
Mótmæli brutust út í Dhaka eftir dauða Mushtaq þar sem mótmælendur kröfðust réttlætis fyrir Mushtaq og lausnar Ahmed. Ahmed var leystur úr haldi gegn tryggingu viku eftir að Mushtaq lést. Ahmed greindi frá því að Mushtaq hefði líklega verið pyndaður af öryggisvörðum ríkisins þegar þeir voru fluttir í RAB-3 stöðina í Khilgaon í Dhaka. Talsmenn ríkisins hafa neitað fyrir þetta.
Sameinuðu þjóðirnar hafa kallað eftir sjálfstæðri og gagnsærri rannsókn á dauða Mushtaq í varðhaldi.
SMS-félagar krefjast þess að allar kærur á hendur Ahmed Kabir Kishore verði látnar falla niður tafarlaust og að andlát Mushtaq Ahmed í fangelsi verði rannsakað.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu