Talið er að hann sé í haldi án ákæru á ótilgreindum, leynilegum varðhaldsstað, án aðgangs að lögfræðingi eða fjölskyldu sinni. Brottnámið virðist tengjast störfum hans sem blaðamaður. 

Fort og annað fjölmiðlafólk eiga yfir höfði sér alvarlegar ákærur af hálfu bandarískra yfirvalda fyrir þessa fréttaumfjöllun þar á meðal fyrir hatursglæp. 

Raman Pratasevich, blaðamaður frá Hvíta-Rússlandi á flótta sem hefur gagnrýnt hvítrússneska ríkisstjórnina, var ólöglega handtekinn þann 23. maí af stjórnvöldum í Hvíta-Rússlandi ásamt maka sínum, Sofiu Sapega. Þau voru í flugi frá Aþenu til Vilníus þegar vélinni var beint í aðra átt og gert að lenda í Minsk vegna sprengjuhótunar. Raman Pratasevich var eftirlýstur í heimalandi sínu vegna „hryðjuverka“ fyrir vinnu sína sem blaðamaður. Verði hann dæmdur sekur á hann yfir höfði sér 20 ára fangelsisvist.

Teiknarinn Ahmed Kabir Kishore og rithöfundurinn Mushtaq Ahmed voru færðir í varðhald í maí 2020, annars vegar fyrir að birta skopmyndir á Facebook og hins vegar fyrir gagnrýni á viðbrögð stjórnvalda í Bangladess við Covid-19. Mushtaq var neitað um lausn gegn tryggingu sex sinnum og lést í fangelsi 25. febrúar 2021. Ahmed á yfir höfði sér 10 ára fangelsisdóm einungis fyrir að nýta tjáningarfrelsið sitt.