SMS
13. febrúar 2020Þann 24. desember var rannsóknarblaðamaðurinn Ignace Sossou dæmdur í 18 mánaða fangelsi og til að greiða sekt fyrir „áreitni á netinu“ í Benín fyrir tíst á Twitter með tilvitnun í ummæli ríkissaksóknara. Ríkissaksóknarinn heldur því fram að ummæli hans hafi verið tekin úr samhengi og lagði fram kvörtun vegna ummæla Ignace Sossou til dómstóla í Benín. Ignace Sossou er í haldi að geðþótta. Leysa þarf hann úr haldi umsvifalaust án skilyrða.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Ignace Sossou greindi frá því í tístinu að ríkissaksóknari hefði sagt ný lög um netöryggi og stafræn samskipti og miðlun í Benín vera mögulegt „vopn“ til að nota gegn blaðamönnum ásamt því að gagnrýna ákvörðun stjórnvalda um að loka fyrir netið þegar kosningar stóðu yfir í apríl 2019 þar í landi.
Þann 20. desember 2019 var Ignace Sossou handtekinn án tilskipunar. Einnig var leitað á heimili hans þegar hann var ekki viðstaddur og sími hans rannsakaður.
Fjórum dögum síðar viðurkenndi Ignace Sossou fyrir dómi að hafa skrifað tístin en ekki að hafa áreitt ríkissaksóknarann. Hann var dæmdur í 18 mánaða fangelsi og skipað að greiða sekt upp á 200,000 FCFA (um 40.000 ISK). Hann situr nú í fangelsi og bíður eftir að áfrýjun hans verði tekin til meðferðar.
Amnesty International telur Ignace Sossou samviskufanga þar sem brotið hefur verið á rétti hans til tjáningarfrelsis. Amnesty International hefur áhyggjur af og óhóflegri skerðingu tjáningarfrelsisins í Benín.
Í Benín hafa a.m.k. 17 blaðamenn, bloggarar og pólitískir aðgerðasinnar verið sakfelldir frá apríl 2018 þegar lög um netöryggi og stafræn samskipti og miðlun tóku gildi og skerða tjáningar- og fjölmiðlafrelsi í landinu.
SMS-félagar krefjast þess að Ignace Sossou verði umsvifalaust leystur úr haldi án skilyrða og að ný lög um netöryggi og stafræn samskipti og miðlun verði breytt í samræmi við alþjóðalög um tjáningarfrelsi.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu