SMS
28. maí 2020Gínea: Veikur aðgerðasinni í haldi
Saïkou Yaya Diallo, aðgerðasinni og aðstoðarmaður lögfræðings hjá stjórnarandstöðuflokknum National Front for the defense of the constitution (FNDC) var handtekinn þann 7. maí og settur í varðhald í Conakry, höfuðborg Gíneu, í kjölfar atviks sem átti sér stað á blaðamannafundi hjá stjórnmálaflokknum. Þann 12. maí var hann kærður fyrir líkamsárás, ofbeldi, hótanir og óspektir á almannafæri. Saïkou er með sykursýki sem krefst sérstaks mataræðis og meðhöndlunar og því í áhættuhópi vegna kórónuveirufaraldursins. Sama dag staðfestu stjórnvöld í Gíneu 58 tilfelli af COVID-19 smitum í fangelsinu og þrjú dauðsföll af völdum veirunnar.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Þann 25. mars báru meðlimir FNDC kennsl á útsendara á vegum ríkisstjórnarinnar sem þóttist vera blaðamaður á blaðamannafundi í höfuðstöðvum flokksins. Meðlimir FNDC og þar með talinn Saïkou héldu útsendaranum inni á skrifstofu þar til fundinum lauk. Þetta var gert af ótta við að hópur stjórnarandstæðinga sem mættur var fyrir utan blaðamannafundinn myndi hefna sín á útsendaranum vegna morða á 12 manneskjum af völdum öryggissveita ríkisins í tengslum við kosningar vikuna áður.
Lögreglan mætti í kjölfarið og handtók 11 einstaklinga. Ýmsir leiðtogar stjórnarandstöðuflokka og mótmælenda hafa verið handteknir síðan 2019.
FNDC berst gegn því að núverandi forseti sitji áfram í kjölfar breytinga sem hann gerði á stjórnarskránni. Daginn sem Saïkou Yaya Diallo var handtekinn átti hann að koma fram í útvarpsþætti og ræða þessi mál.
Sms-félagar krefjast þess að Saïkou Yaya Diallo verði leystur úr haldi án tafar!
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu