SMS
12. maí 2021Síðan 28. apríl hafa þúsundir tekið þátt í mótmælum víðsvegar um Kólumbíu. Mótmælin byrjuðu vegna fyrirhugaðra skattalagabreytinga en hafa þróast í mótmæli vegna viðbragða stjórnvalda við efnahags- og félagslegum vandamálum í kjölfar kórónuveirufaraldursins. Stjórnvöld hafa brugðist við með hervaldi í nokkrum borgum þar sem mótmælendur eru beittir óhóflegu valdi með vopnum sem hefur leitt tugi einstaklinga til dauða og enn fleiri særða.
Taktu þátt í starfi Amnesty og skráðu þig í sms-aðgerðanetið hér!
Mótmælendur hafa líka tekið upp þráðinn frá mótmælum sem stóðu yfir árið 2019 og krefjast þess að morð á leiðtogum verði stöðvuð, friðarsáttmálinn verði uppfylltur, heilbrigðiskerfið verði bætt, farið verði í umbætur innan lögreglunnar og margt fleira.
Síðan mótmælin hófust hafa yfir 40 einstaklingar látist, 216 særst og 814 settir í varðhald. Einnig hafa verið tilkynnt mannshvörf og kynferðislegt ofbeldi.
Amnesty International hefur staðfest myndbönd þar sem sést til lögreglu beita banvænum vopnum auk annarra vopna eins og táragass, vatnsbyssum og fleiru.
Mannréttindabrot sem framin eru af hálfu lögreglunnar falla undir dómskerfi hersins og lögsögu hans sem kemur í veg fyrir að réttlæti náist í málunum.
Sms-aðgerðasinnar krefjast þess að forsetinn tryggi réttinn til að koma saman friðsamlega.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu