Viðburðir
5. júlí 2019Laugardaginn 13. júlí stendur ungliðahreyfing Íslandsdeildar Amnesty International fyrir Mannréttindamaraþoni. Farin verður um fimm kílómetra löng leið á milli 5 sendiráða í miðborg Reykjavíkur. Við hvert sendiráð verða sjálfboðaliðar frá ungliðahreyfingunni og þar munu hlauparar skrifa undir mál sem snúa að löndum sendiráðanna og hafa þannig áhrif á mannréttindabaráttuna.
Hlaupaleiðin byrjar við skrifstofu Íslandsdeildar Amnesty International, Þingholtsstræti 27 þaðan verður farið að sendiráði Bandaríkjanna við Laufásveg, sendiráði Indlands við Túngötu, sendiráði Rússlands við Túngötu, sendiráði Danmerkur við Hverfisgötu, sendiráði Kína við Borgartún og endað aftur á Þingholtsstræti 27. Fólk getur valið hvaða leið það fer milli sendiráðanna og hvort það fer gangandi eða hlaupandi.
Markmið mannréttindamaraþonsins er að virkja alla þá sem hafa áhuga á hlaupum eða hreyfingu til að fræðast í leiðinni um stöðu mannréttindabrota víðsvegar um heiminn og taka þátt í starfi Amnesty International.
Ungliðahreyfing Amnesty International sér um upphitun og svo verður boðið uppá hressingu í lokin við skrifstofu samtakanna í Þingholtsstræti 27.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu