SMS
28. apríl 2021Að minnsta kosti 41 kona frá Srí Lanka hefur verið í haldi í Sádi–Arabíu í allt að 18 mánuði. Þrjár konur eru með ung börn með sér og ein kona þarf nauðsynlega á læknisþjónustu að halda. Engin þeirra hefur verið upplýst um ákærur gegn þeim né hafa þær fengið lagalega aðstoð.
Taktu þátt í starfi Amnesty og skráðu þig í sms-aðgerðanetið hér!
Yfirvöld hafa ekki gefið út ástæður fyrir varðhaldi þeirra en grunur er um að það sé vegna stöðu dvalarleyfis þeirra undir hinu alræmda kafala kerfi í Sádi-Arabíu. Ástæðurnar geta verið útrunnin atvinnuleyfi vinnuveitendur þeirra hafa ekki tilskyld leyfi og einhverjar kunna að hafa flúið frá ofbeldisfullum vinnuveitendum.
Meirihluti þessara kvenna vill snúa til síns heimalands. Fangelsisverðir og starfsfólk sendiráðs Srí Lanka í Riyadh hafa ítrekað sagt þeim að þær verði fluttar heim en þær eru enn í varðhaldi.
Fólk sem starfar við heimilisstörf við Persaflóa er í mjög viðkvæmri stöðu. Oft er það einangruð inni á heimilum, háð vinnuveitendum sínum og nýtur ekki verndar í vinnulögum. Vinnuaðstæður eru oft á tíðum mjög slæmar og oft sætir þetta fólk andlegu og líkamlegu ofbeldi. Það á í hættu á að vera sett í varðhald vegna þess að dvalarleyfi renna út, annaðhvort vegna þess að vinnuveitendur endurnýja þau ekki eða það flýr ofbeldi og slæmar vinnuaðstæður.
Nýlegar breytingar á vinnulögum í Sádi-Arabíu ná ekki til fólks sem starfar við heimilisstörf og þarf það leyfi frá vinnuveitendum til að yfirgefa landið.
Stjórnvöld í Srí Lanka og Sádi-Arabíu eru skuldbundin til að verja farandverkafólk vegna margra alþjóðlegra sáttmála sem ríkin hafa fullgilt, þar á meðal sáttmála Alþjóðavinnumálastofnunarinnar um nauðungarvinnu (e. International Labour Organization’s Forced Labour Convention).
SMS-aðgerðasinnar krefjast þess að stjórnvöld leysi þessar konur úr haldi og tryggi að þær komist heilu á höldnu til síns heima.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu