Fréttir
2. apríl 2012Tónlistarfólk hvaðanæva að úr Evrópu, þ.m.t. fyrrum Eurovision-farar og sigurvegarar, taka höndum saman með Amnesty International í kröfunni um að stjórnvöld í Aserbaídsjan virði tjáningarfrelsið. Daníel Ágúst Haraldsson, söngvari hljómsveitarinnar GusGus og fyrrum Eurovision-keppandi er einn þeirra.
Eins og flestum er kunnugt fer Söngvakeppni evrópskra sjónvarpsstöðva fram í Bakú, höfuðborg Aserbaídsjan dagana, 22. til 26. maí.
Í dag, mánudaginn 2. apríl ýtir Amnesty International úr vör viðamikilli Twitter og Facebook-herferð, þar sem þrýst er á Samband evrópskra sjónvarpsstöðva (skipuleggjanda Eurovision) að beita áhrifum sínum til að tryggja að stjórnvöld í Aserbaídsjan virði mannréttindi. Amnesty International hleypir einnig nýrri vefsíðu í loftið í dag sem er tileinkuð herferð samtakanna: http://amnesty.org/en/azerbaijan-running-scared
Nú, ári eftir að tugir Asera voru handteknir við friðsöm mótmæli í Bakú, sitja enn 14 samviskufangar í fangelsi. Amnesty International fer fram á að þeim sé öllum tafarlaust og skilyrðislaust sleppt úr haldi. Söngvakeppni evrópskra sjónvarpsstöðva lofsyngur tjáningarfrelsið og skipuleggjendur keppninnar tala fyrir frelsi fjölmiðla. Engu að síður eru sárafá Evrópuríki sem fótumtroða tjáningarfrelsið og frelsi fjölmiðla jafn gróflega og Aserbaídsjan. Almennir borgarar í Aserbaídsjan sem berjast fyrir tjáningarfrelsi sínu hafa búið við ótta og kúgun síðastliðin 20 ár.
Stjórnvöld í Aserbaídsjan hafa varið milljónum dollara í undirbúning fyrir Söngvakeppni evrópskra sjónvarpsstöðva og þeim er mikið kappsmál að viðburðurinn takist sem best. Samband evrópskra sjónvarpsstöðva hefur nú, þegar augu í Evrópu beinast að Aserbaídsjan, einstakt tækifæri til að krefja stjórnvöld í landinu um að virða tjáningarfrelsið.
Fyrrum Eurovison-keppendur frá Danmörku, Finnlandi, Hollandi, Íslandi, Noregi, Póllandi, Úkraínu og Bretlandi hafa gengið til liðs við baráttu Amnesty International gegn mannréttindabrotum í Aserbaídsjan, ásamt öðrum listamönnum frá Búlgaríu, Þýskalandi, og Aserbaídsjan.
Hér að neðan má finna leiðbeiningar Amnesty International um aðgerðir sem almenningur getur tekið þátt í á Facebook og Twitter.
NÝTTU TJÁNINGARFRELSI ÞITT NÚNA Á FACEBOOK OG TWITTER
Twitter: Sendu Eurovision and forseta Aserbaídsjan Aliyev eftirfarandi skilaboð á twitter:
#Eurovision celebrates free expression. @Eurovision must demand @presidentaz for free expression for all in #Azerbaijan http://bit.ly/freeazn
Hey @Eurovision – ask @presidentaz for the release of 14 peaceful protesters in #Eurovision host #Azerbaijan http://bit.ly/freeazn #freeaznow
Tell @Eurovision – this isn’t politics, it’s basic human rights. #freeaznow http://bit.ly/freeazn
Join me on the #freeaznow campaign for free expression in #Azerbaijan. Find out how here http://bit.ly/azaction
Facebook: Skoraðu á forseta Aserbaídsjan á fésbókarsíðu hans að láta þá 14 samviskufanga sem enn eru í haldi tafarlaust lausa. Þú getur sagt eftirfarandi:
„Your Excellency, I call for the immediate release of the 14 prisoners of conscience in jail since last year:
https://www.facebook.com/prezident.ilham.aliyev
Hvettu jafnframt Samband evrópskra sjónvarpsstöðva að krefja forseta Aserbaídsjan um skilyrðislausa lausn 14 samviskufanga sem enn sæta fangelsisvist í landinu.
Ask the Eurovision organizers to demand that the President release the 14 prisoners of conscience:
https://www.facebook.com/EurovisionSongContest
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu