Atburða­rásin í Suwayda hófst dagana 11.–12. júlí þegar spenna mynd­aðist í suður­hluta Sýrlands milli vopn­aðra hópa drúsa og víga­manna Bedúína sem leiddi til vopn­aðra átaka. Sýrlenski herinn tilkynnti 15. júlí að hann væri kominn til borg­ar­innar Suwayda til að „koma á stöð­ug­leika“ og setja útgöngu­bann. Sama dag hóf Ísrael loft­árásir á farar­tæki sýrlenska hersins þar sem féllu að minnsta kosti 15 einstak­lingar.

Fréttir um mann­rétt­inda­brot stjórn­ar­hers og herliða tengdum þeim við komu þeirra til borg­ar­innar 15. júlí leiddu til stig­vax­andi átaka á ný sem varð til þess að sýrlenski herinn dró sig til baka degi síðar, seint að kvöld 16. júlí.

Amnesty Internati­onal skrá­setti aftökur á 46 Drúsum, þar af 44 karl­mönnum og 2 konum, ásamt sýnd­araf­tökum tveggja eldri einstak­linga. Aftök­urnar án dóms og laga fóru fram dagana 15.-16. júlí á almenn­ing­s­torgi, heim­ilum, spítala, í skóla og hátíð­arsal í Suwayda dagana tvo sem sýrlenski herinn var í borg­inni.

Sömu daga og þessar aftökur áttu sér stað hreyttu vopn­aðir menn ókvæð­isorðum  að fólki sem tilheyrir samfé­lagi Drúsa og trúaðir karl­menn sættu niður­lægj­andi meðferð á borð við rakstur yfir­vara­skegg sem hefur menn­ing­ar­legt gildi fyrir þá.

Amnesty Internati­onal sann­reyndi mynd­bönd af vopn­uðum mönnum í herbún­ingum og einkenn­is­bún­ingum örygg­is­sveita sem tóku óvopnað fólk af lífi.

Amnesty Internati­onal tók viðtöl við 13 viðmæl­endur í Suwayda og tvo viðmæl­endur frá Suwayda sem búa erlendis. Átta af 15 viðmæl­endum áttu fjöl­skyldu­með­limi sem höfðu verið teknir af lífi.

Tveir viðmæl­endur urðu vitni að aftökum. Annar þeirra sá fjöl­skyldu­með­limi sína tekna af lífi. Fimm viðmæl­endur fóru á aftökustaði og sáu lík fjöl­skyldu­með­lima sinna og annarra. Foreldrar einnar konu sem rætt var við sættu sýnd­araf­tökum og tveimur viðmæl­endum var haldið á heim­ilum þeirra og ógnað með byssu á meðan vopn­aðir menn í herbún­ingum gerðu leit á heim­ilinu.

Einn viðmæl­andinn var faðir sem horfði á þrjá syni sína og þrjá frændur tekna af lífi. Faðirinn var á leið­inni með fjöl­skyldu sína úr borg­inni Suwayda þann 15. júlí þar sem hann hafði frétt af aftökum á Drúsum. Hann var í bíl með konunni sinni en synir hans og frændur voru í öðrum bíl fyrir aftan þau. Tveir menn í svörtum einkenn­is­bún­ingi örygg­is­sveita stöðvuðu báða bílana.

Amnesty Internati­onal sann­reyndi myndir af bílnum þar sem sást að rúður voru brotnar og að minnsta kosti sextíu skotum hafði verið skotið að bílnum úr tveimur mismun­andi áttum.

Niður­stöður Amnesty Internati­onal voru birtar 2. sept­ember og sama dag brást innan­rík­is­ráð­herra vel við þeim og sagðist skuld­binda sig til að vernda alla Sýrlend­inga, sama hver bakgrunnur þeirra er.