SMS
22. maí 2025Túnis: Mannréttindafrömuðir í varðhaldi
Þrír mannréttindafrömuðir í Túnis voru handteknir að geðþótta af yfirvöldum í maí 2024, Sherifa Riahi, þá í fæðingarorlofi, Yadh Bousselmi og Mohamed Joo, fyrrum og starfandi starfsfólk samtakanna Terre D’asile Tunisie sem aðstoða farand- og flóttafólk. Nokkrum dögum síðar var Imen Ouardani, fyrrum embættiskona sem var í samstarfi við samtökin, einnig handtekin. Allir þessir einstaklingar eru enn í gæsluvarðhaldi að geðþótta.
Orðræða sem einkennist af útlendingahatri og kynþáttafordómum, meðal annars frá forseta landsins, hefur kynt undir það að yfirvöld herji á einstaklinga og samtök sem styðja farand- og flóttafólk.
Yfirvöld hafa sett hömlur á heimsóknir barna Sherifa Riahi. Oftast fara heimsóknir fram þar sem glerveggur aðskilur ungu börnin frá móður sinni og erfitt hefur verið að fá leyfi fyrir heimsóknum án glerveggs. Sherifa Riahi fær því sjaldnast að vera í snertingu við börn sín þegar þau koma í heimsókn til hennar. Samkvæmt Bangkok-reglunum um meðferð kvenfanga skal hlúa að sambandi barna við foreldri í fangelsi og skulu heimsóknir barna fara fram í umhverfi sem stuðlar að jákvæðri upplifun þeirra.
SMS-félagar kalla eftir því að yfirvöld leysi Sherifa Riahi, Yadh Bousselmi, Mohamed Joo, og Imen Ouardani úr haldi og felli niður allar ákærur á hendur þeim. Yfirvöld verða einnig að svara beiðni Sherifa Riahi um heimsóknir barna sinna á meðan hún er enn í haldi.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu