Öll átta eru sótt til saka á grundvelli tilhæfulausra ákæra sem rekja má til mannréttindastarfs þeirra.

Þrír mannréttindafrömuðir í Túnis voru handteknir að geðþótta af yfirvöldum í maí 2024, Sherifa Riahi, þá í fæðingarorlofi, Yadh Bousselmi og Mohamed Joo, fyrrum og starfandi starfsfólk samtakanna Terre D’asile Tunisie sem aðstoða farand- og flóttafólk. Nokkrum dögum síðar var Imen Ouardani, fyrrum embættiskona sem var í samstarfi við samtökin, einnig handtekin. Allir þessir einstaklingar eru enn í gæsluvarðhaldi að geðþótta. 

Stjórnarandstæðingar, aðgerðasinnar, lögfræðingar og viðskiptamenn hafa sætt sakamálarannsóknum í Túnis síðan í febrúar 2023 vegna tilhæfulausra ásakana um samsæri.

Lögreglumenn réðust á Badr Baabou, baráttumann fyrir mannréttindum og hinsegin aðgerðasinna, í Túnis í október 2021. Hann var skotmark öryggissveita vegna vinnu sinnar og baráttu fyrir réttindum hinsegin einstaklinga í Túnis. Þetta er nýlegasta árásin af mörgum sem Badr hefur orðið fyrir undanfarin ár.