Sýrlensk yfirvöld slepptu dr. Aref Dalilah óvænt úr haldi þann 7. ágúst eftir að Sýrlandsforseti gaf honum upp sakir. Dalilah er fyrrum deildarforseti hagfræðideildar Aleppo háskóla og kunnur samviskufangi í Sýrlandi.

Helsta starf Amnesty International felst í því að rannsaka mannréttindabrot um heim allan, opinbera þær rannsóknir og berjast fyrir því að mannréttindabrotum linni í heiminum. Sjálfboðaliðar innan Amnesty International eru í fararbroddi þeirrar baráttu.

Mannúðarsamtök greina frá því að þau fái enn ekki að senda hjálpargögn til umdeildu svæðanna í Suður-Ossetíu. Óttast er að borgarar í héraðinu geti orðið sjúkdómum og hungri að bráð.

Kínversk yfirvöld hafa svikið gefin loforð um umbætur í mannréttindum í aðdraganda Ólympíuleikanna. Amnesty International birtir í dag nýja skýrslu um mannréttindaástandið í Kína. Kínversk yfirvöld halda uppteknum hætti og ofsækja og refsa öllum þeim sem fara fram á virðingu fyrir mannréttindum. Yfirvöld hafa misst sjónar á þeim loforðum sem þau gáfu fyrir sjö árum þegar alþjóðlega Ólympíunefndin ákvað að sumarleikarnir 2008 færu fram í Peking.

Víða um heim er 17. júlí haldinn hátíðlegur sem dagur alþjóðlegs réttlætis (World Day for International Justice ) en það var á þessum degi árið 1998 sem Rómarsamþykktinni um Alþjóðlega sakamáladómstólinn var ýtt úr vör.

Þann 9. ágúst næstkomandi munu Verndarvættirnir, hópur á vegum Amnesty International og Samtakanna 78, sem vinnur að mannréttindum samkynhneigðra,tvíkynhneigðra og transgender-fólks (STT), standa fyrir viðburði á Gay Pride eins og í fyrra.

Breska varnarmálaráðuneytið hefur fallist á að greiða bætur til fjölskyldu írasks hótelstarfsmanns, sem lést eftir að hafa verið pyndaður í 36 tíma meðan hann var í haldið breskra hermanna í Basra í Írak.

Alþjóðlega Ólympíunefndin ákvað um mitt sumar árið 2001 að taka tilboði Kínverja um að sumarleikarnir 2008 yrðu haldnir í Peking. Í aðdraganda ákvörðunarinnar og í kjölfar hennar lýstu kínverskir ráðamenn því yfir að leikarnir myndu hafa jákvæð áhrif á þróun mannréttinda í Kína.

Íslandsdeild Amnesty International hefur sent Birni Bjarnasyni dómsmálaráðherra bréf þar sem farið er fram á að íslensk yfirvöld endurskoði ákvörðun sína um að taka ekki til efnislegrar meðferðar mál Paul Ramses Odour frá Kenía sem sótti um hæli hér á landi.

Farandfólk sem reynir að komast til Evrópu sætir handtöku, illri meðferð og fjöldabrottvísunum frá Máritaníu án þess að það hafi tækifæri til að áfrýja ákvörðunum yfirvalda. Frá þessu er greint í nýrri skýrslu Amnesty International.

Mutabar Tadzhibaeva, sem var dæmd í átta ára fangelsi árið 2006, var óvænt sleppt úr haldi mánudaginn 2. júní 2008.

Pyndingar verður að stöðva, pyndara verður að sækja til saka og tryggja þarf þolendum skaðabætur.