Árið 2010 lofaði fyrirtækið Google, sem rekur stærstu leitarvél heims, að styðja ekki við ritskoðun kínverskra yfirvalda á internetinu. Í ágúst 2018 var því hins vegar ljóstrað upp að Google hyggðist ekki standa við loforð sitt.

Alþjóðastjórn Amnesty International hefur sent deildum samtakanna drög að fíkniefnastefnu og óskar Íslandsdeildin eftir umsögnum frá félögum sínum um hana. Drög að stefnunni má nálgast á skrifstofu Amnesty eða fá hana senda í gegnum tölvupóst á amnesty@amnesty.is.

Þrír verksmiðjustarfsmenn og einn starfsmaður óháðra hagsmunasamtaka voru handteknir fyrir að reyna að setja á fót verkalýðsfélag í Kína. Mennirnir fjórir hafa ekki fengið að hitta fjölskyldur sínar og hafa haft takmarkaðan aðgang að lögfræðingum sínum frá því að þeir voru settir í varðhald í júlí á þessu ári. Af þeim sökum eru uppi áhyggjur af heilsu þeirra og ótti um að þeir fái ekki notið réttlátrar málsmeðferðar.

Nú styttist óðum í hið árlega Bréf til bjargar lífi árið 2018. Að venju tekur fjöldi sveitafélaga þátt, bæði á höfuðborgarsvæðinu og á landsbyggðinni. Dagskráin verður auglýst í Fréttablaði samtakanna og á vef Íslandsdeildarinnar. Bréf til bjargar lífi fer fram á skrifstofu Íslandsdeildarinnar, sunnudaginn 9. desember frá kl. 13-17.

Marielle Franco var baráttukona sem var myrt fyrr á þessu ári í Brasilíu. Mál hennar er tekið fyrir í Bréf til bjargar lífi 2018 þar sem skorað er á yfirvöld að rannsaka morðið. Hér er bréf móður hennar, Marinete da Silva, sem lýsir því hversu mikið stuðningur og samhugur skiptir máli.

Kíktu við fyrir framan Hallgrímskirkju á gagnvirka ljósainnsetningu. Ljósainnsetningin stendur yfir frá föstudeginum 30. nóv – 2. des milli klukkan 17 – 22. Á föstudaginn kl. 17 setur Eliza Reid, forsetafrú viðburðinn.

Dómstóll í Suður-Afríku úrskurðaði að stjórnvöld geta ekki veitt leyfi fyrir námugreftri á títani í Xolobeni án samþykkis frumbyggjasamfélaga. Dómurinn sendir skýr skilaboð um að fjölþjóðleg námufyrirtæki geta ekki vaðið yfir réttindi fólks fyrir eigin gróða

Íbúar Jemen upplifa hræðilegar afleiðingar stríðsátaka í landinu. Tugir þúsunda hafa látist og særst en yfir 22 milljónir eru hjálparþurfi. Tíðar árásir Sádi-Araba og bandamanna þeirra á sjúkrahús gera hörmungarástandið enn verra og Sameinuðu þjóðirnar óttast að 14 milljónir Jemena lifi í hungursneyð.

Eskinder Nega, þekktur blaðamaður í Eþíópu, hefur verið fangelsaður níu sinnum fyrir að sinna starfi sínu. Mál hans var tekið upp í alþjóðlegri og árlegri herferð Amnesty International, Bréf til bjargar lífi árið 2012. Hann var leystur úr haldi fyrr á þessu ári. Hann sendi stuðningsfólki Amnesty International bréf þar sem hann fjallar um fangavistina, hvernig hann þraukaði og hvers vegna raddir mannréttinda þurfa að heyrast.

Aasia Noreen, kölluð Aasia Bibi, er kristinnar trúar og starfaði á sveitabýli. Árið 2010 var hún fundin sek um guðlast og dæmd til dauða. Þrátt fyrir að hafa verið sýknuð af öllum ákæruliðum í hæstarétti létu pakistönsk yfirvöld undan kröfum vígasveita um að senda málið til hæstaréttar að nýju og banna Aasiu Bibi að ferðast úr landi.

Blaðamenn og aðgerðasinnar hafa fengið sendar nafnlausar líflátshótanir og ógnandi símtöl og skilaboð síðan 10. október. Hótanirnar hófust eftir að hópur blaðamanna og aðgerðasinna fylgdust með kjörstöðum og fluttu fréttir af úrslitum sveitastjórnakosninga í borgunum Nacala-Porto og Nampula í Nampula-héraði í norður Mósambík.

Í framhaldi af rannsókn Amnesty International í Danmörku og Þýskalandi og málþingsins; Mannréttindi intersex fólks: Ný nálgun til framtíðar sem fram fór hér á landi í febrúar árið 2018 í samstarfi við Samtökin ´78, Intersex Ísland og Mannréttindaskrifstofu Ísland, var afráðið að rannsakandinn Laura Carter ynni rannsókn á högum fólks með ódæmigerð kyneinkenni hér á landi.