Níu liðsmenn öryggissveitar fyrri stjórnvalda voru teknir af lífi án dóms og laga eftir að hafa gefið sig fram. 17 ára stúlka lét lífið á flótta frá skotárás.

Ný skýrsla Amnesty International, I Don’t Know If They Realized I Was A Person’: Rape and Other Sexual Violence in the Conflict in Tigray, Ethiopia, varpar ljósi á það hvernig ýmsar hersveitir sem styðja eþíópísk stjórnvöld hafa beitt hundruðum kvenna og stúlkna nauðgunum og öðru kynferðislegu ofbeldi á átakasvæðunum í Tigray-héraði í norðurhluta Eþíópíu. Beiting nauðgana og kynlífsþrældóms sem stríðsvopn jafngildir stríðsglæpum og geta talist til glæpa gegn mannkyninu.

Ný skýrsla Amnesty International, I Don’t Know If They Realized I Was A Person’: Rape and Other Sexual Violence in the Conflict in Tigray, Ethiopia, varpar ljósi á það hvernig ýmsar hersveitir sem styðja eþíópísk stjórnvöld hafa beitt hundruðum kvenna og stúlkna nauðgunum og öðru kynferðislegu ofbeldi á átakasvæðunum í Tigray-héraði í norðurhluta Eþíópíu. Beiting nauðgana og kynlífsþrældóms sem stríðsvopn jafngildir stríðsglæpum og geta talist til glæpa gegn mannkyninu.

Síðastliðinn laugardag komu aðgerðasinnar saman víða um heim til að sýna afgönskum borgurum samstöðu. Refugees in Iceland, No borders og Solaris stóðu fyrir samstöðufundi hér á landi og mættu einnig aðgerðasinnar frá Ungliðahreyfingu Íslandsdeildar Amnesty International og grasrótarhópi sem kallar sig Samstaðan. Samstöðufundurinn hófst með kröfugöngu frá Hlemmi niður að Austurvelli. Opið var fyrir óformleg ræðuhöld sem endaði með afgönskum hópsöng sem snerti hjörtu viðstaddra á Austurvelli.

Þann 15. ágúst 2021 skrifuðu Amnesty International og mannréttindasamtökin Freedom House bréf til Joe Biden, Bandaríkjaforseta, þar sem farið var fram á að Hvíta húsið verndi mannréttindi í Afganistan í kjölfar yfirtöku Talíbana í Kabúl.

Næstum ein milljón Róhingja býr í niðurníddum flóttamannabúðum í Cox Bazar í Bangladess eftir að hafa flúið heimili sín í Mjanmar vegna glæpa hersins gegn mannkyninu. Þessir glæpir eru nú til skoðunar hjá Alþjóðadómstólnum í Haag.  

Eftirtalin félög skora á íslensk stjórnvöld að fullgilda Samning Sameinuðu þjóðanna um bann við kjarnorkuvopnum en samningurinn var samþykktur af 122 ríkjum á ráðstefnu Sameinuðu þjóðanna í New York þann 7. júlí 2017. Hinn 24. október sl. höfðu 50 ríki fullgilt samninginn og mun hann því taka gildi í dag, þann 22. janúar 2021.

Ný skýrsla Amnesty International greinir frá hræðilegum afleiðingum átaka stjórnvalda og Boko Haram fyrir börn í norðausturhluta Nígeríu. Börn sem flýja svæði Boko Haram enda oftar en ekki í verri aðstæðum. Í besta falli eru þau á vergangi í harðri lífsbaráttu þar sem þau hafa lítinn eða engan aðgang að menntun. Í versta falli eru þau handtekin að geðþótta af hernum og þeim haldið árum saman við aðstæður sem teljast til pyndinga og annarrar illrar meðferðar. Einnig kemur fram í skýrslunni að alþjóðlegir aðilar hafi styrkt gallaða endurhæfingu fyrir meinta fyrrum hermenn Boko Haram sem í raun er ólögmætt varðhald barna og fullorðinna.

Fram kemur í ársskýrslu Amnesty International fyrir árið 2019 að mótmælendur í Afríku sunnan Sahara hafi barist fyrir réttindum sínum gegn átökum og kúgun þrátt fyrir hættu á skotárásum eða barsmíðum. Í skýrslunni er greint frá mótmælum og harkalegum viðbrögðum stjórnvalda, mannréttindabrotum og átökum víðsvegar á svæðinu. Herjað var á aðgerðasinna og fjölmiðlafólk og þúsundir óbreyttra borgara þjáðust vegna átaka.

Áfrýjunardómstóll í Bretlandi kvað upp úrskurð nýverið um að ákvörðun breskra stjórnvalda um að leyfa vopnaútflutning til Sádi-Arabíu væri ólögmæt.