Bandaríkin

Bandaríkin: Fordæmið aðgerðir Ísraels

Banda­ríkin verða að þrýsta á Ísrael að takast á við rót vandans og binda enda á mann­rétt­inda­brot og órétt­læti. Það er tími til kominn að þrýst sé á Ísrael að takast á við rót vandans á svæðinu, nú þegar heim­urinn horfir á stig­vax­andi átök milli Ísraels og hernumdu svæða Palestínu.

Þessi stig­vax­andi átök minna á fyrri árásir árið 2008, 2012 og 2014. Árás­irnar bitna verst á óbreyttum borg­urum, þar sem fjöldi fólks hefur látið lífið og gífur­legar eyði­legg­ingar hafa orðið á Gaza-svæðinu. Ísrael hefur lengi brotið á mann­rétt­indum þar sem óbreyttir borg­arar hafa verið myrtir, þúsundir særðir og tugi þúsunda hafa sætt nauð­ung­ar­flutn­ingum auk eyði­legg­ingar á innviðum, heim­ilum og atvinnu­rekstri. Þessi brot teljast til stríðs­glæpa og glæpa gegn mann­kyni. Palestínskir vopn­aðir hópar hafa einnig brotið gegn alþjóða­lögum og þar á meðal framið stríðs­glæpi.

Rót vandans á þessum mann­rétt­inda­brotum sem eiga sér stað núna er kerf­is­bundin mismunun, eign­ar­svipting og nauð­ung­ar­flutn­ingar sem Palestínu­búar hafa þurft að þola af hálfu Ísraels.

Ísra­elsk stjórn­völd hafa haldið tveimur millj­ónum Palestínubúa á Gaza-svæðinu í ólög­legri herkví síðast­liðin 14 ár, þar sem flæði fólks og varn­ings til og frá svæðinu er veru­lega hamlað. Fólkið þar býr í raun eins og í risa­stóru fang­elsi. Ísra­elsk stjórn­völd hafa­völdin og laga­lega skyldu til að afnema herkvína og leyfa íbúum Gaza að njóta rétt­inda sinna. Ísrael þarf að vernda óbreytta borgara og binda enda á þvingaða brott­flutn­inga, eyði­legg­ingu heimila og ólög­lega land­töku.

Á þessari stundu eru Palestínu­búar, þar á meðal í Sheikh Jarrah- hverfinu í Austur-Jerúsalem, að biðla til heims­byggð­ar­innar um að þrýsta á Ísrael að stöðva þvingaða brott­flutn­inga í hverfinu sínu og nauð­ung­ar­flutn­inga Palestínubúa.

Banda­ríkj­unum, helsta banda­lags­aðila Ísraels, ber skylda til að þrýsta á Ísrael að takast á við kerf­is­bundin mann­rétt­inda­brot gegn Palestínu­búum.

Krefstu þess að Banda­ríkin fordæmi opin­ber­lega stríðs­glæpi og önnur gróf mann­rétt­inda­brot á svæðinu, eins og stækkun land­töku­svæða Ísraels á hernumdu svæðum Palestínu, herkví á Gaza-svæðinu og þvingaða brott­flutn­inga Palestínubúa, eins og í Sheikh Jarrah.

Lestu nánar um ástandið hér

Tengt efni

Þau þurfa þína hjálp!

Þín undirskrift getur bjargað mannslífi

Kamerún

Kamerún: Krefjumst lausnar friðsamra mótmælenda og aðgerðasinna

Á enskumælandi svæðum Kamerún hefur verið herjað á stuðningsfólk stærsta stjórnarandstöðuflokk landsins, mannréttindafrömuði, aðgerðasinna og mótmælendur fyrir það eitt að nýta sér tjáningarfrelsið og réttinn til að mótmæla friðsamlega. Rúmlega hundrað einstaklingar hafa verið handteknir að geðþótta.

Kólumbía

Krefjumst rannsóknar á morði Kevin Agudelo í tengslum við mótmæli

Rannsaka þarf morðið á Kevin Agudelo sem átti sér stað í aðgerðum lögreglu. Þúsundir fólks fór út á götur í þjóðarverkfalli í mörgum borgum Kólumbíu árið 2021 til að krefjast réttar síns. Viðbrögð stjórnvalda var að ráðast á og refsa þeim einstaklingum sem létu í sér heyra. Flest mannréttindabrot í tengslum við mótmælin áttu sér stað í borginni Cali. 

Tansanía

Tansanía: Stöðvið þvingaða brottflutninga Masai-hirðingjasamfélagsins

Hætta er á þvinguðum brottflutningum Masai-hirðingjasamfélagsins til að greiða leið fyrir ferðaþjónustu á svæðinu. Um 70.000 einstaklingar eru í hættu í kjölfar þess að liðsafli lögreglu og hers kom í bæinn Loliondo í norðurhluta Tansaníu þar sem Masai-fólkið býr.

Bandaríkin

Bandaríkin: Verndið réttinn til þungunarrofs

Hæstiréttur Bandaríkjanna hefur snúið við fordæmi dóms sem verndaði réttinn til þungunarrofs í landinu. Krefjumst þess að ríkisstjórar í öllum ríkjum Bandaríkjanna komi í veg fyrir þungunarrofsbann og verndi réttinn til þungunarrofs. 

Katar

Krefjumst þess að FIFA gefi Katar rauða spjaldið fyrir misbeitingu farandverkafólks

Fyrir tilstuðlan farandverkafólks getur draumur Katar um að halda heimsmeistaramótið í fótbolta orðið að veruleika. FIFA ber skylda til að bregðast við og nota áhrif sín til að hvetja Katar til að vernda farandverkafólk. Þrátt fyrir að einhver árangur hefur náðst er enn langt í land. Krefjumst þess að FIFA gefi Katar rauða spjaldið fyrir misbeitingu farandsverkafólks!

Tæland

Krefjumst réttlætis fyrir friðsama mótmælendur í Tælandi

Stjórnvöld í Tælandi nýta kórónuveirufaraldurinn til að þagga enn frekar niður í ungum friðsömum mótmælendum. Fleiri en 600 ungmenni eiga yfir höfði sér langa fangelsisdóma fyrir það eitt að mótmæla friðsamlega þrátt fyrir að lögreglan hafi beitt óhóflegu valdi við að leysa upp mótmælin.

Alþjóðlegt

Ríki hætti ólögmætri notkun á njósnabúnaði

Í löndum víðsvegar um heiminn reiða yfirvöld sig sífellt meira á stafrænt eftirlit í þeim tilgangi að áreita eða handtaka einstaklinga sem tjá sig til varnar mannréttindum eða afhjúpa viðkvæmar upplýsingar. Aukning er á stafrænum árásum gegn mannréttindasinnum, fjölmiðlafólki og almennum borgurum. Njósnum, hótunum og þöggun er beitt með því að brjótast inn í stafræn tæki einstaklinga. Þessari aðför verður að linna. Með undirskrift þinni þrýstir þú á stjórnvöldá heimsvísu að bregðast við kröfum um að vernda mannréttindasinna um heim allan.

Bandaríkin

Bandaríkin felli niður ákærur á hendur Julian Assange

Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.