Alþjóðlegt

Stöðvum drápsvélmenni

Ríkis­stjórnir og fyrir­tæki eru óðum að þróa vopn með aukinni sjálf­stýr­ingu þar sem ný tækni og gervi­greind eru notuð. Slík „drápsvél­menni“ gætu verið notuð í átökum, við löggæslu eða landa­mæra­vörslu. Ákvarð­anir sem snúast um líf og dauða ættu ekki að vera teknar af vélmennum. Við þurfum að bregðast við til verndar mann­kyninu og til að gera heiminn öruggari.

Við stöndum frammi fyrir því sem var áður óhugs­andi. Drónar og önnur háþróuð vopn eru þróuð til að taka ákvarð­anir og velja skot­mörk án atbeina nokk­urrar mann­eskju. Sjálf­stýrð vopn eða “drápsvél­menni” voru áður einungis til sem fram­tíð­ar­vandamál í kvik­myndum en það er ekki lengur raunin.

Vélmenni geta ekki tekið flóknar siðferði­legar ákvarð­anir. Þau skortir samkennd og skilning og taka ákvarð­anir byggðar á hlut­drægum, göll­uðum og íþyngj­andi ferlum. Tækninýj­ungar á sviði andlits- og radd­grein­ingar hafa sýnt að oft eru gerð mistök. Sjálf­stýrð vopn geta aldrei verið forrituð með full­nægj­andi hætti til að koma í staðinn fyrir ákvarð­anir mann­eskju.

Að skipta út hermönnum fyrir vélmenni gerir ákvörð­un­ar­töku um hernað of auðvelda. Einnig er hætta að vopnin rati í rangar hendur, meðal annars í gegnum ólög­lega vopna­flutn­inga. Það má búast við því að tækn­inni verði beitt við löggæslu og landa­mæra­vörslu ásamt því að henni verði beitt til að ógna mann­rétt­indum eins og rétt­inum til að mótmæla, rétt­inum til lífs, og bann við pynd­ingum og annarri illri meðferð. Þrátt fyrir þessar áhyggjur hafa lönd eins og Banda­ríkin, Kína, Ísrael, Suður-Kórea, Rúss­land, Ástr­alía, Indland og Bret­land haldið áfram að fjár­festa í sjálf­stýrðum vopnum.

Við höfum tæki­færi til að bregðast við.

Á meðan fyrir­tæki og varn­ar­mála­ráðu­neyti um allan heim keppast við að þróa þessa tækni verðum við að bregðast hratt við áður en við missum beit­ingu valds úr höndum fólks yfir til vélmenna með hroða­legum afleið­ingum.

Skrifaðu undir þetta mikil­væga mál sem varðar líf og dauða.

Kallaðu eftir því að utan­rík­is­ráð­herra Íslands sýni forystu á alþjóða­vett­vangi og kalli eftir því að sett verði alþjóðalög sem varða sjálf­stýr­ingu vopna til að tryggja að fólk stjórni beit­ingu valds en ekki vélmenni.  

 

Þau þurfa þína hjálp!

Þín undirskrift getur bjargað mannslífi

Georgía

Réttlæti fyrir mótmælendur í Georgíu

Mótmæli í Georgíu hófust 29. nóvember 2024 og standa enn yfir. Almenningur mótmælir kúgandi lögum og ákvörðun stjórnvalda um að gera hlé á ferli um inngöngu í Evrópusambandið. Yfirvöld hafa bælt niður mótmælin með ofbeldisfullum hætti. Hundruð einstaklinga eru sagðir hafa sætt pyndingum og illri meðferð. Alþjóðasamfélagið þarf að sýna samstöðu með mótmælendum í Georgíu og vernda réttinn til að mótmæla.

Hong Kong

Lýðræðissinni í fangelsi fyrir friðsamleg mótmæli

Owen Chow Ka-shing er ungur aðgerðasinni sem hefur beitt sér fyrir lýðræði í Hong Kong. Hann var virkur þátttakandi í mótmælahreyfingu sem kennd var við regnhlífar árið 2014 og í mótmælum gegn frumvarpi um framsal frá Hong Kong til Kína árið 2019. Chow er í fangelsi fyrir að nýta tjáningar- og fundafrelsið með friðsamlegum hætti. Hann afplánar nú 12 ára og 10 mánaða dóm.

Bandaríkin

Í fangelsi í El Salvador vegna ólögmætrar brottvísunar

Andry José Hernández Romero er samkynhneigður förðunarmeistari sem flúði Venesúela þar sem hann óttaðist um líf sitt vegna kynheigðar sinnar og pólitískra skoðana. Hann sótti um alþjóðlega vernd í Bandaríkjunum árið 2024.  

Búlgaría

Fjölskyldur Rómafólks bornar út og hús rifin niður

Fjölskyldur Rómafólks voru bornar út og hús þeirra rifin niður. Nær 200 manneskjur urðu heimilislausar, þar með talin börn, eldri borgarar, barnshafandi konur og fatlað fólk. Skrifaðu undir ákall þar sem krafist er að búlgörsk yfirvöld veiti Rómafjölskyldunum sem urðu fyrir útburðinum viðunandi húsnæði, heilbrigðisþjónustu og félagsaðstoð.

Fílabeinsströndin

Upplýsingafulltrúi stéttarfélags fær tveggja ára fangelsisdóm

Hettuklæddir menn handtóku Ghislain Duggary Assy, upplýsingafulltrúa stéttarfélags kennara, í kjölfar þess að bandalag stéttarfélaga kennara blés til verkfalls á Fílabeinsströndinni. Ghislain fékk tveggja ára fangelsisdóm. Skrifaðu undir ákall um að Ghislain Duggary Assy verði leystur úr haldi, tafarlaust og án skilyrða.

Rússland

Stríðsglæpum gegn Úkraínubúum í haldi verður að linna

Í Rússlandi eru þúsundir úkraínskra hermanna og óbreyttra borgara í haldi. Fjölskyldur stríðsfanganna fá engar upplýsingar og ná ekki sambandi við fjölskyldumeðlimi sem eru í haldi. Þær leita örvæntingafull upplýsinga um ástvini sína og fjölskyldumeðlimi. Margir fangar njóta ekki grundvallarréttinda svo sem að eiga í samskiptum við ástvini og fjölskyldur og verða fyrir ómannúðlegri meðferð eins og pyndingum, kynferðisofbeldi og er synjað um heilbrigðisþjónustu á sama tíma og heilsu þeirra hrakar. Þessi meðferð fanga telst til stríðsglæpa og glæpa gegn mannúð. Skrifaðu undir ákall um að rússnesk yfirvöld bindi enda á þessa stríðsglæpi og glæpi gegn mannúð.

Haítí

Vernd fyrir börn gegn glæpagengjum á Haítí

Síaukið ofbeldi glæpagengja á Haítí bitnar verst á haítískum börnum. Þau eru svipt öruggu rými til að leika sér og læra og eru neydd til að alast upp í umhverfi þar sem ótti og óvissa ráða ríkjum. Vegna áskorana hjá haítískum yfirvöldum og aðgerðaleysis alþjóðasamfélagsins hefur neyðin aukist og skapað vítahring ofbeldis og vanrækslu. Skrifaðu undir ákall til haítískra yfirvalda og krefstu verndar fyrir börn á Haítí.

Ekvador

Binda þarf enda á notkun gasbruna í Amazon-skóginum

Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna, stuðli að réttlátum orkuskiptum þar sem dregið verður smám saman úr notkun jarðefnaeldsneytis.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

ÞITT NAFN BJARGAR LÍFI

Þú ætlar að styðja og .

Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Skrifaðu undir og Íslandsdeild Amnesty International sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu