Fréttir
10. ágúst 2021Pegasus-verkefnið hefur afhjúpað að njósnabúnaði frá ísraelska fyrirtækinu NSO Group hefur verið beitt til að brjóta mannréttindi um allan heim.
Pegasus-verkefnið er rannsókn Forbidden Stories, samtaka til verndar fjölmiðlafólks, og Amnesty International í samvinnu við 80 einstaklinga sem starfa fyrir 17 fjölmiðlafyrirtæki í tíu löndum. Rannsóknin hófst eftir leka 50.000 símanúmer einstaklinga sem hugsanlega var verið að njósna um, þar á meðal númer þjóðhöfðingja, aðgerðasinna og blaðafólks, til að mynda fjölskyldu blaðamannsins Jamal Khashoggi.
„Þetta er alþjóðlegur vandi og enginn er öruggur, meira að segja tæknirisar eins og Apple eru illa í stakk búnir til þess að takast á við eftirlit af þessum mælikvarða.”
Danna Ingleton, aðstoðarframkvæmdastjóri tæknideildar Amnesty International
Þúsundir iphone síma um allan heim eru mögulega undir eftirliti Pegasus-njósnabúnaðarins. Einnig voru Google Android símar á listanum en ekki var hægt að greina hvort njósnabúnaðinum hafi verið komið fyrir í slíkum símum.
Pegasus-njósnabúnaðinum er hlaðið leynilega niður á síma þeirra sem ráðist er gegn. Njósnabúnaðurinn veitir aðgang að öllum gögnum símans ásamt því að geta kveikt á hljóðnema og myndavél.
„Þessar árásir hafa berskjaldað staðsetningar aðgerðasinna, fjölmiðlafólks og stjórnmálamanna um allan heim og orðið til þess að persónuupplýsingar eru notaðar gegn þeim.”
Komið hefur í ljós að ríkisstjórnir hafa notað njósnabúnaðinn í þeim tilgangi að þagga niður í fjölmiðlafólki og aðgerðasinnum ásamt því að stofna lífi þeirra í hættu.
„NSO group getur ekki falið sig bakvið þær staðhæfingar að njósnabúnaðurinn sé einungis notaður til lögmætra rannsókna á glæpum og hryðjuverkum. Yfirgnæfandi vísbendingar eru um að njósnabúnaðurinn sé markvisst notaður til þöggunar og annarra mannréttindabrota. NSO Group verður umsvifalaust að hætta að selja hugbúnaðinn til stjórnvalda sem brjóta mannréttindi.”
Danna Ingleton
„Rannsóknin sýnir að stafrænn eftirlits-og njósnabúnaður eru ekki háður neinum takmörkunum. Ríki verða strax að setja á bann á útflutningi, sölu og notkun á hvers konar njósna-og eftirlitsbúnaði þar til reglugerðir um slíkan búnað taki mið af mannréttindum.”
Danna Ingleton
Skrifaðu undir ákallið og krefstu þess að:
• Yfirvöld tryggi að þessari tækni verði ekki beitt með ólögmætum hætti gegn mannréttindasinnum og almennum borgurum.
• Hætt sé að selja eftirlitsbúnað til ríkja eins og Marokkó þar sem mikil hætta er á að búnaðurinn sé notaður til að fremja mannréttindabrot.
• Ríkisstjórnir víða um heim beiti sér fyrir tímabundnu banni á sölu, flutningi og notkun njósnabúnaðar.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu