Á fyrstu sex mánuðum ársins hafa fyrirsagnir mótast af sögum um ótta, sundrung og hatur. Þrátt fyrir það hafa aðgerðasinnar um heim allan lagt sitt af mörkum til að halda voninni lifandi.

TikTok hefur ekki enn brugðist við þeim tilmælum Amnesty International um að auka öryggi ungra notenda sem var greint frá í fordæmalausri skýrslu samtakanna sem kom út í nóvember 2023. Skýrslan varpaði ljósi á skaðleg áhrif notkunar forritsins TikTok á andlega og líkamlega heilsu ungmenna og var kallað á TikTok að gera betur.

Í nýlegri úttekt vakti Mannréttindanefnd Sameinuðu þjóðanna (e. Human Rights Committee) athygli á áhyggjum sínum er varða mannréttindi á Íslandi, þar sem nefndin tók meðal annars undir áhyggjuefni sem sett voru fram í skriflegri skýrslu Amnesty International. Nefndin tók undir þrjú af fjórum lykilatriðum sem Amnesty International vakti sérstaklega athygli á og lagði til breytingar er varða útlendingalög, beitingu einangrunarvistar og lagaákvæði um eftirlit með aðgerðum lögreglu. 

Amnesty International og stuðningsfólk okkar hefur átt þátt í að bjarga lífum, breyta lögum og vernda mannréttindi það sem af er árinu 2023. Árangur hefur náðst á ýmsum sviðum. Mannréttindasigrar í loftslagsmálum, tækni, fyrir hinsegin réttindi, réttindi flóttafólks, kvenréttindi, gegn dauðarefsingunni ásamt því að fangar sem hafa verið ranglega fangelsaðir hafa verið leystir úr haldi og stjórnvöld dregin til ábyrgðar.  

Mannréttindabarátta Amnesty International hefur skilað miklu árið 2021 um heim allan. Lögum hefur verið breytt til samræmis við mannréttindi og samviskufangar leystir úr haldi. Hér má sjá yfirlit yfir helstu sigra ársins.

Pegasus-verkefnið hefur afhjúpað að njósnabúnaði frá ísraelska fyrirtækinu NSO Group hefur verið beitt til að brjóta mannréttindi um allan heim. 

Það sem árið 2020 hefur kennt okkur er hversu nauðsynlegir netheimar eru fyrir félagsleg tengsl og samskipti. Netþjónustur eins og Facebook og Google voru líflína okkar þegar heimsfaraldurinn skall á og gerðu okkur kleift að eiga í samskiptum við fjölskyldu og vini, sinna vinnu og námi að heiman ásamt því að vera okkar helsti staður til að leita að upplýsingum um mál tengd heilsu okkar. Ný heimildarmynd á Netflix „The Social Dilemma“ sýnir fram á að þessar netþjónustur hafa þó kostað okkur ákveðin mannréttindi, þar á meðal geðheilsuna.

Amnesty International hefur greint smitrakningarforrit á tímum kórónuveirufaraldursins í Evrópu, Mið-Austurlöndum og Norður-Afríku, þar á meðal á Íslandi. Niðurstöður sýna að smitrakningarforrit stjórnvalda í Barein, Kúveit og Noregi séu þau alræmdustu er kemur að altæku eftirliti.

Á meðan margir halda sig heima fyrir í einangrun, sóttkví eða vegna yfir­stand­andi samkomubanns þá reiðir fólk sig mun meira á síma, fartölvur og önnur fjarskiptatæki til að halda sambandi.

Yfir 100 félagasamtök hafa sent frá sér sameiginlega yfirlýsingu þar sem skorað er á ríkisstjórnir heims að bregðast ekki við kórónuveirufaraldrinum með auknu stafrænu eftirliti nema að uppfylltum ákveðnum skilyrðum.

Bandaríski tölvurisinn Google sendi nýverið frá sér yfirlýsingu þess efnis að fyrirtækið væri hætt við að hleypa af stokkunum verkefninu Dragonfly, ritskoðaðri leitarvél fyrir Kína. Íslandsdeild Amnesty International tók upp málið í netákalli og SMS-aðgerðaneti í desember 2018 þar sem krafist var að fallið yrði frá verkefninu.