Yfirlýsing
6. júní 2025Bandaríkin: Beiting neitunarvaldsins er skammarleg og ómannúðleg í ljósi hópmorðs Ísraels
Bandarísk stjórnvöld beittu neitunarvaldi í öryggisráði Sameinuðu þjóðanna þann 4. júní gegn ályktun þar sem krafist er tafarlauss vopnahlés á Gaza, lausnar gísla og tafarlausrar og skilyrðislausrar afléttingar allra takmarkana á mannúðaraðstoð.
Agnès Callamard aðalframkvæmdastjóri Amnesty International hefur þetta um málið að segja:
„Þessi skammarlega beiting neitunarvalds Bandaríkjanna, sú nýjasta og ein af mörgum, gefur Ísrael grænt ljós á að halda áfram að fremja hópmorð á Palestínubúum á Gaza. Þar með er Ísrael leyft að halda áfram að svelta palestínska borgara og skapa lífsskilyrði sem leiða til eyðingar þeirra.“
„Bandaríkin hafa sóað enn einu mikilvægu tækifæri til að krefjast þess að Ísrael bindi enda á blóðsúthellingar óbreyttra borgara. Hvernig er hægt að réttlæta að komið sé í veg fyrir aðgerðir öryggisráðs Sameinuðu þjóðanna sem gætu stuðlað að því að binda enda á hræðilega hungursneyð og þjáningar, leysa gísla úr haldi og aflétta kæfandi takmörkunum Ísraels á mannúðaraðstoð?“
„Líf rúmlega tveggja milljóna Palestínubúa er í húfi: Ungbörn og börn eru lögð inn á sjúkrahús vegna vannæringar, tugþúsundir barna fara að sofa svöng, fjölskyldur eru án aðgangs að hveiti í margar vikur, mæður eru of vannærðar til að geta gefið börnum sínum brjóst, særðir óbreyttir borgarar eru sviptir lífsnauðsynlegum sjúkravörum og sveltir og horaðir feður ganga í marga klukkutíma við ómannúðlegar aðstæður til að sækja matarpakka án þess að vita hvort þeir snúi aftur heim til barna sinna.
„Samkvæmt alþjóðalögum ber Ísrael sem hernámsveldi skýra skyldu til að tryggja að íbúar undir hernámi hafi fullnægjandi aðgang að mat, lyfjum og öðrum lífsnauðsynlegum birgðum. Ísrael hefur ítrekað neitað að uppfylla þessar skyldur. Öllum ríkjum, þar á meðal Bandaríkjunum, ber skylda til að hindra að hópmorð eigi sér stað, vinna saman að því að binda enda á það og draga gerendur til ábyrgðar.“
„Samtökin Gaza Humanitarian foundation, stutt af Bandaríkjunum, sjá um framkvæmd á nýlegu og hernaðarlegu mannúðaraðstoðarkerfi Ísraels. Þetta er ekki svarið, þar sem það stangast á við meginreglur um mannúð og alþjóðalög. Hætta stafar af þessu kerfi auk þess sem að árangursleysi og algjör spilling þess varð ljós þegar tugir Palestínubúa, margir hverjir eina fyrirvinna fjölskyldu sinnar, létust eða særðust þegar þeir reyndu að sækja mat. Ekkert en annað aflétting á öllum takmörkunum á mannúðaraðstoð mun duga.
„Bandaríkin geta og verða að leggja sitt af mörkum til að binda enda á þessa manngerðu þjáningar sem þau hafa sjálf stuðlað að. Þau verða án tafar að stöðva vopnaflutninga og hernaðaraðstoð, þrýsta á Ísrael að aflétta öllum takmörkunum á aðstoð og kalla eftir tafarlausu vopnahlé allra aðila. Líf 2,2 milljóna Palestínubúa á Gaza liggur við“
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu