Marco Rubio utanríkisráðherra Bandaríkjanna tilkynnti á dögunum refsiaðgerðir gegn Fransescu Albanese sérstökum skýrslugjafa Sameinuðu þjóðanna. Þessar refsiaðgerðir voru tilkynntar aðeins nokkrum dögum eftir að hún gaf út nýja skýrslu þar sem greint var frá því hvernig fyrirtæki hafa hagnast á ólögmætu hernámi Palestínu, grimmilegri aðskilnaðarstefnu og hópmorði Ísraels á Gaza.
Bandarísk stjórnvöld beittu neitunarvaldi í öryggisráði Sameinuðu þjóðanna þann 4. júní gegn ályktun þar sem krafist er tafarlauss vopnahlés á Gaza, lausnar gísla og tafarlausrar og skilyrðislausrar afléttingar allra takmarkana á mannúðaraðstoð.
Í nýlegri úttekt vakti Mannréttindanefnd Sameinuðu þjóðanna (e. Human Rights Committee) athygli á áhyggjum sínum er varða mannréttindi á Íslandi, þar sem nefndin tók meðal annars undir áhyggjuefni sem sett voru fram í skriflegri skýrslu Amnesty International. Nefndin tók undir þrjú af fjórum lykilatriðum sem Amnesty International vakti sérstaklega athygli á og lagði til breytingar er varða útlendingalög, beitingu einangrunarvistar og lagaákvæði um eftirlit með aðgerðum lögreglu.
Þrátt fyrir grafalvarlega stöðu mannréttinda víða um heim hefur það sannarlega sýnt sig að mannréttindabaráttan leiðir til jákvæðra breytinga. Sigrarnir eru margs konar. Breytingar eru gerðar á löggjöf sem bæta stöðu mannréttinda, einstaklingar sem eru ranglega fangelsaðir fá frelsi á ný og réttlæti nær fram að ganga. Hér má lesa um fjölmarga sigra frá seinni helmingi þessa árs, hvaðanæva að úr heiminum, sem ber að fagna.
Helgina 24.-25. júní hélt ungliðahreyfing Íslandsdeildar Amnesty International mannréttindasmiðju fyrir ungt fólk á aldrinum 15 til 18 ára. Í smiðjunni, sem var haldin á Elliðavatnsbæ í Heiðmörk, lærðu þrettán ungmenni um skipulagningu aðgerða í þágu mannréttinda undir leiðsögn Árna Kristjánssonar ungliða- og aðgerðastjóra, Asks Hrafns Hannessonar forseta ungliðahreyfingarinnar og Írisar Bjarkar Ágústsdóttur forseta Háskólafélags Amnesty International.
Íslandsdeild Amnesty International fagnar nýútkomnu áliti og tilmælum nefndar Sameinuðu þjóðanna gegn pyndingum til íslenskra stjórnvalda er varða beitingu einangrunarvistar í gæsluvarðhaldi.
Ályktunin um Filippseyjar sem mannréttindaráð Sameinuðu þjóðanna samþykkti þann 7. október er tapað tækifæri til að ná fram réttlæti fyrir þolendur þúsunda aftaka án dóms og laga, segir Amnesty International.
Í litlu þorpi í borginni Quezon á Filippseyjum varar presturinn Robert Reyes íbúana við ógn sem er sýnu verri en kórónuveirufaraldurinn, ítrekaðar aftökur án dóms og laga. Á aðeins hálfs mánaðar tímabili jarðsetti séra Reyes þrjú fórnarlömb sem voru tekin af lífi án dóms og laga á svæðinu. Eitt þeirra var Gilbert Paala, 49 ára gamall sölumaður, sem hafði nýverið lokið 10 ára fangelsisafplánun fyrir brot á lögum um vímuefni. Stutt var síðan hann hóf að sjá fyrir fjölskyldu sinni að nýju. Hann var tekinn af lífi þann 20. júlí 2020.
Í gær afhenti Snædís Lilja Káradóttir, fyrir hönd ungliðahreyfingar Íslandsdeildar Amnesty International, Guðlaugi Þór Þórðarsyni utanríkisráðherra undirskriftir 2342 einstaklinga sem skrifuðu undir ákall þar sem krafist er þess að íslensk stjórnvöld veki athygli á stöðu mannréttinda í Íran á alþjóðavettvangi.
Kevin Whelan starfsmaður Amnesty International í mannréttindaráði Sameinuðu þjóðanna í Genf heldur því fram í grein sinni að ekkert ríki sé smáríki. Enn fremur geti ekkert ríki í mannréttindaráðinu kallað sig eða verið kallað smáríki. Tilefni greinarinnar er þátttaka og seta Íslands í mannréttindaráðinu en setu Íslands lauk um seinustu áramót. Greinin hefur verið þýdd úr ensku yfir á íslensku.
Þann 30. júlí sl. birtist pistill í Fréttablaðinu og á Vísi.is eftir Hilary Power, talsmann Amnesty International, Lailu Matar, fulltrúa Mannréttindavaktarinnar hjá Sameinuðu þjóðunum, og Rosanno Ocampo, dagskrárfulltrúa og tengilið FORUM ASIA hjá Sameinuðu þjóðunum. Efni pistilsins varðaði ályktun Íslands í Mannréttindaráði SÞ um mannréttindaástandið á Filippseyjum. Íslandsdeild Amnesty International birtir pistilinn einnig hér:
Íslandsdeild Amnesty International fagnar ályktun Íslands í Mannréttindaráði Sameinuðu þjóðanna vegna stöðu mannréttinda á Filippseyjum. Þetta er í fyrsta skipti í sögu ráðsins sem lögð er fram ályktun um Filippseyjar. Íslensk stjórnvöld sýndu ábyrgð í verki með því að leggja fram ályktunina og þar með fylgja eftir frumkvæði í gagnrýni sinni á filippseysk stjórnvöld.