Fréttir
7. janúar 2021Bretland: Góðar og slæmar fréttir í máli Julian Assange
Amnesty International hefur fylgst grannt með málinu um beiðni Bandaríkjanna um framsal Julian Assange frá Bretlandi. Þann 4. janúar 2021 hafnaði dómstóll í London beiðni um framsal en tveimur dögum síðar var Assange neitað um lausn úr haldi gegn tryggingu. Amnesty International fagnar þeirri ákvörðun að hafna framsalsbeiðninni en fordæmir að hann hafi ekki verið leystur úr haldi gegn tryggingu. Julian Assange hefur verið í haldi í rúmt ár vegna framsalsbeiðni til Bandaríkjanna.
„Við fögnum því að Julian Assange verði ekki framseldur til Bandaríkjanna og að dómstóllinn hafi tekið til greina að hann ætti á hættu að sæta illri meðferð í bandaríska fangelsiskerfinu vegna heilsu hans.“
Nils Muižnieks, framkvæmdastjóri Evrópudeildar Amnesty International.
Mál Assange
Dómarinn sem úrskurðaði um framsalsbeiðnina tók það fram að geðheilsa Assange væri tæp en heilsa hans hefur einnig verið í hættu vegna kórónuveirufaraldursins á Bretlandi. Það er hins vegar ljóst að Julian Assange hefði í fyrsta lagi aldrei átt að vera ákærður eða sæta varðahaldi vegna framsalsbeiðninnar.
Bandarísk stjórnvöld láta eins og þau hafi lögsögu um heim allan vegna birtingu gagna um misgerðir þeirra.“
segir Nils Muižnieks, framkvæmdastjóri Evrópudeildar Amnesty International.
Framsalsbeiðni Bandaríkjanna byggir á ákærum sem tengjast trúnaðargögnum sem Assange birti vegna starfa sinna hjá Wikileaks. Útgáfa slíkra upplýsinga er undirstaða fjölmiðlafrelsis og réttur almennings til að fá vitneskju um misgerðir stjórnvalda.
„Réttmætur dómsúrskurður sem hlífir Julian Assange við framsali dregur ekki úr ábyrgð breskra stjórnvalda í máli sem er runnið af pólitískum rótum og var prófsteinn á fjölmiðla- og tjáningarfrelsi. Þetta er skelfilegt fordæmi sem Bandaríkin hafa gefið með bresk stjórnvöld sér við hlið.“
segir Nils Muižnieks, framkvæmdastjóri Evrópudeildar Amnesty International.
Að birta upplýsingar í almannaþágu er verndaður réttur í alþjóðlegum mannréttindalögum og á ekki að vera glæpur. Julian Assange stóð frammi fyrir réttarhöldum vegna 18 ákæra, þar 17 tengdar njósnalögum (e. Espionage Act), hefði hann verð framseldur til Bandaríkjanna. Julian Assange er sá fyrsti sem hefur staðið frammi fyrir ákærur út frá njósnalögum vegna birtingu efnis.
„Ákvörðunin um að hafna beiðni Julian Assange um lausn gegn tryggingu þýðir í raun að hann sé í varðhaldi að geðþótta þar sem hann hefur nú þegar þolað erfiðar aðstæður við hámarksöryggisgæslu í Belmarsh-fangelsinu í rúmt ár. Í stað þess að geta farið heim til ástvina sinna og sofið í sínu eigin rúmi í fyrsta sinn í næstum tíu ár er Julian Assange sendur í einangrunarklefann sinn í öryggisfangelsi.“
segir Nils Muižnieks, framkvæmdastjóri Evrópudeildar Amnesty International.
Íslandsdeild Amnesty International safnaði 3581 undirskrift í máli Assange þar sem krafist var að Bandaríkin felldi niður ákærur á hendur Julian Assange og voru undirskriftirnar afhentar í september 2020 í bandaríska sendiráðið.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu