Marwa Arafa, mannréttindafrömuður og þýðandi, hefur verið í haldi að geðþótta í tæplega sex ár vegna aðgerðastarfa , þar á meðal stuðning við ættingja fanga.
Æðsti saksóknari Egyptalands vísaði máli hennar til sakamáladómstólsins í Kaíró í desember 2024. Ákærur á hendur henni um að ganga til liðs við og fjármagna hryðjuverkasamtök eru upplognar.
Öryggissveitir handtóku Marwa þann 20.apríl 2020 á heimili hennar án þess að framvísa handtökuskipan og létu hana í kjölfarið sæta þvinguðu mannshvarfi í 14 daga. Marwa Arafa var handtekin fyrir framan tveggja ára dóttur sína, sem var mikið áfall fyrir barnið.
Heilsu Marwa Arafa hefur hrakað verulega í fangelsi. Þrátt fyrir það neita yfirvöld henni um nauðsynlega heilbrigðisþjónustu.
Egypsk yfirvöld verða að leysa Marwa Arafa tafarlaust og skilyrðislaust úr haldi og fella niður allar ákærur gegn henni þar sem hún er eingöngu í haldi fyrir að nýta mannréttindi sín.