Gríptu til aðgerða núna
Styrktu okkar mikilvæga starf
Starf okkar er sérstaklega brýnt núna vegna átakanna í Mið-Austurlöndum. Rannsakendur Amnesty International safna gögnum um brot á alþjóðlegum lögum á svæðinu.
Mannfall óbreyttra borgara á Gaza heldur áfram að aukast í vægðarlausum sprengjuárásum Ísraels sem hófust í kjölfar gíslatöku Hamas og annarra vopnaðra hópa fyrir rúmu ári síðan.
Niðurstöður nýrrar skýrslu Amnesty International sýnir að Ísrael fremur hópmorð á Palestínubúum á Gaza.
Án stöðugs fjárstuðnings getum við ekki haldið áfram okkar starfi. Til að safna og greina sönnunargögn þarf sérfræðiþekkingu, háþróaða tækni, starfsfólk á vettvangi ásamt því að gera viðeigandi öryggisráðstafanir.
Með þinni hjálp getum við haldið áfram rannsóknum og safnað saman sönnunargögnum um mannréttindabrot og stríðsglæpi með það að markmiði að draga gerendur til ábyrgðar.
Starf Amnesty International byggist nær eingöngu á styrktarframlagi einstaklinga. Það gerir okkur kleift að vera óháð pólitískum, trúarlegum og efnahagslegum hagsmunum.
Íslandsdeild Amnesty International notar orðið hópmorð í stað þjóðarmorðs fyrir enska orðið genocide til samræmis við íslensk lög. Hugtakið hópmorð nær þar með yfir aðra hópa eins og þjóðernishópa, kynstofna eða trúflokka en ekki eingöngu þjóð.
Góðar fréttir
11. febrúar 2021Loujain al-Hathloul hefur verið leyst úr haldi!
Loujain al-Hathloul þekkt baráttukona fyrir mannréttindum var leyst úr haldi í gær en hún var í fangelsi í næstum þrjú ár.
„Ekkert getur komið í staðinn fyrir þá illu meðferð sem hún hefur sætt eða óréttlætið sem hún upplifði. Í fangelsinu sætti hún pyndingum, kynferðislegri áreitni, einangrunarvist og henni var neitað ð um að hitta fjölskyldu sína svo mánuðum skipti. Stjórnvöld í Sádi-Arabíu verða að tryggja að þeir aðilar sem stóðu á bak við þessari illu meðferð verði dregnir til ábyrgðar. Einnig verða stjórnvöld að tryggja að hún sæti ekki frekari refsingu eins og ferðabanni.“
„Loujain al-Hathloul hefði aldrei átt að vera í fangelsi. Henni var refsað fyrir að berjast fyrir kvenréttindum í Sádi-Arabíu“ segir Lynn Maalouf, yfirmaður hjá Amnesty International í Mið-Austurlöndum.
Eitt af baráttumálum Loujain var að konur fengju að keyra í Sádi-Arabíu og að konur þyrftu ekki að lúta forsjá karlmanna. Í desember 2020 var hún dæmd í tæplega sex ára fangelsi, þar af tæp þrjú ár óskilorðsbundin, fyrir baráttu sína en hafði þá setið inni síðan 2018. Systir hennar Lina al Hathloul, hefur farið um allan heim og vakið athygli á máli hennar, meðal annars á Íslandi í desember 2019. Tjáningar-, funda-, og félagafrelsið er verulega skert í Sádi-Arabíu en hér er hægt að lesa nánar um stöðuna.
Amnesty International hefur lengi barist fyrir lausn hennar og annarra baráttukvenna. Lesa eldra ákall.
Þess má til gamans geta að Loujain al-Hathloul er ein af 16 mannréttindasinnum í litabókinni okkar Litabók fyrir mannréttindi.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu