Fréttir
30. mars 2023Tæland: 15 ára stúlka í haldi fyrir að brjóta lög sem banna gagnrýni á konungsríkið
Yok, 15 ára stúlka, er í gæsluvarðhaldi í Bangkok í Tælandi á grundvelli laga sem banna gagnrýni á konungsríkið í kjölfar þess að hún tók þátt í friðsamlegum mótmælum. Yok tók þátt í mótmælum þann 14. október 2022 þar sem kallað var eftir því að lög sem banna gagnrýni á konungsríkið yrðu felld úr gildi.
Mál Yok er ekki einangrað tilfelli. Dómstóll í Bangkok dæmdi nýverið mann í þriggja ára fangelsi fyrir að selja dagatöl á Facebook sem yfirvöld töldu vera brot á lögum sem banna gagnrýni á konungsríkið. Dagatalið var með mynd af gulri önd sem hefur verið táknmynd mótmælahreyfingarinnar í Tælandi.
Dómstóll í Chiang Mai í norðurhluta Tælands sakfelldi einnig mann af Karen-þjóðernisbroti fyrir brot á sömu lögum og brot á lögum um tölvuglæpi fyrir færslu á Facebook þar sem hann gagnrýndi konungsríkið.
Aðför að mótmælendum
Nýleg skýrsla Amnesty International greinir frá því að börn sem hafa mótmælt í Tælandi sæta ákærum, ógnunum og eftirliti af hálfu yfirvalda. Lögregla hefur einnig beitt harkalegum aðgerðum gegn mótmælendum.
„Þessi þróun er óþægileg áminning um að tælensk yfirvöld eru enn og aftur að beita lögum, sem banna gagnrýni á konungsríkið, gegn börnum til að þagga niður í friðsamlegum mótmælum. Í marsmánuði voru að minnsta kosti fjórir mótmælendur sakfelldir auk fjölda nýrra ákæra á grundvelli þessara laga.“
Chanatip Tatiyakaroonwong, rannsakandi hjá Amnesty International í Tælandi
Frá því að fjöldamótmæli brutust út víðs vegar um Tæland árið 2020 hafa að minnsta kosti 1.985 einstaklingar verið ákærðir fyrir ýmis konar brot vegna þátttöku í mótmælum samkvæmt samtökum tælenskra mannréttindalögfræðinga. Tölur frá 27. mars sýna að minnsta kosti 237 einstaklingar hafa verið ákærðir á grundvelli laga sem banna gagnrýni á konungsríkið, þar af 18 börn.
„Nýleg dæmi sýna að opinbert rými hefur snarminnkað fyrir milljónir einstaklinga í Tælandi þar sem yfirvöld vilja í auknum mæli ekki umbera friðsamleg mótmæli. Frá því í lok síðasta árs hafa friðsamir mótmælendur verið sakfelldir fyrir brot á lögum sem banna gagnrýni á konungsríkið vegna þess að þeir nýttu rétt sinn til tjáningar með skrifum á netinu, fyrir þátttöku í skoptískusýningu og nú síðast fyrir að selja dagatal á netinu með myndum af gulum öndum, tákn mótmælahreyfingarinnar.“
Chanatip Tatiyakaroonwong, rannsakandi hjá Amnesty International í Tælandi
Amnesty International kallar er eftir því að tjáningarfrelsi barna sé verndað og allar ákærur á hendur barna og annarra friðsamra mótmælenda séu felldar niður.
Skrifaðu undir ákall Amnesty International þar sem kallað er eftir því að tjáningarfrelsi barna sé verndað og allar ákærur á hendur þeirra séu felldar niður.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu