Einnig má sjá textann úr mynd­bandinu hér fyrir neðan.

Tilgangur þessa mynd­bands er að senda góðar kveðjur, mikla hvatn­ingu og veru­legt þakk­læti til allra einstak­linga sem tilheyra Amnesty Internati­onal, eru stað­settir í ýmsum löndum um heim allan og vinna að mikil­vægu mann­úð­ar­starfi. Ég, Bern­ardo Caal Xol, frá Maya-samfé­laginu Q’eqchi’ í Gvatemala er mjög þakk­látur fyrir hvert og eitt ykkar. 

Þið hafið gefið mér von um rétt­læti, frelsi og jafn­rétti sem verður að ná yfir­hönd­inni í öllum samfé­lögum og löndum heims. Gvatemala, eftir vopnuð átök sem stóðu yfir í 36 ár, er núna að ganga í gegnum verstu réttar­far­skreppuna en þar á sér stað gífurleg kúgun sem beinist gegn baráttu­fólki fyrir mann­rétt­indum.  

Margt af því fólki er nú á land­flótta til bjargar lífi sínu. Óháðir saksókn­arar og dómarar hafa þurft að yfir­gefa Gvatemala með fjöl­skyldum sínum þar sem líf þeirra er í hættu.  

Með fólkinu mínu og samfé­lagi hækkuðum við róminn til varnar tveimur ám, Cahabón og Oxee’k, til að hindra að árfar­veg­inum yrði breytt með rörleiðslum af fólki sem sækist eftir því að hagnast á og stunda viðskipti með árflæðið í ánum okkar.

Ég var ofsóttur, gerður að glæpa­manni og fang­els­aður. Í fjögur ár og tvo mánuði var ég fastur í martröð fang­elsis. Fjögur ár og tveir mánuðir af sárs­auka, áhyggjum og óvissu. En þið í Amnesty Internati­onal gáfuð mér von um frelsi og nú er ég frjáls.

Nú er ég í faðmi fjöl­skyldu minnar, með dætrum mínum og eigin­konu. Móðir mín grét af gleði við að sjá mig frjálsan. Þakkir til ykkar allra, hvers og eins fyrir að dreifa og deila sögu minni. Takk fyrir að skil­greina mig sem samviskufanga í Gvatemala. 

Erika Guevara (hjá Amnesty Internati­onal) hefur sagt mér frá öllum bréf­unum sem þið hafið safnað saman um heim allan. Það verða góðar fréttir, miklar gleðifréttir, þegar ég fæ þau send til mín. Bréfin eru hluti af baráttu okkar fólks. Knús til ykkar allra! 

Enn standa yfir mála­ferli í máli mínu í rétt­ar­kerfinu. Enn bíð ég eftir rétt­læti í rétt­ar­kerfinu í Gvatemala varð­andi alla þá glæpi sem lognir voru upp á mig til að hægt væri að þagga niður í mér. 

Það eina sem ég bið um er að þið haldið áfram að vera með mér í liði, að við stöndum saman og hækkum róm okkar um heim allan til að hætt verði að refsa baráttu­fólki fyrir mann­rétt­indum, þá sérstak­lega í Rómönsku-Ameríku þar sem stjórnmál einkennast af spill­ingu og ráðist er að mann­rétt­inda­fröm­uðum.