Þann 1. júlí 2025 handtóku óeinkennisklæddir lögreglumenn Sadiu í Casablanca eftir að hún sýndi frá mótmælum í beinni útsendingu. Mótmælin snéru að andláti manneskju í varðhaldi. Þann 16. september 2025 dæmdi héraðsdómurinn í Ain Sebaa í Casablanca hana í þriggja ára fangelsi og til að greiða 20.000 dínhara sekt (um 270.000 íslenskar krónur). Dóminn hlaut hún fyrir að birta færslur á samfélagsmiðlum og opinberar yfirlýsingar þar sem hún gagnrýndi stjórnvöld og afhjúpaði meinta spillingu og mannréttindabrot. Þann 17. desember 2025 staðfesti áfrýjunardómstóllinn í Casablanca dóminn og refsinguna.

Ibtissame Lachgar („Betty“), marakóskur femínisti og baráttukona fyrir hinsegin réttindum, afplánar 30 mánaða fangelsisdóm. Hún var sakfelld fyrir að „skaða íslam“ fyrir að birta mynd af sér á samfélagsmiðlum í stuttermabol með slagorðinu „Allah er lesbía“.

Sakfelling mannréttindasinnans Rida Benotmane frá því í nóvember á síðasta ári var staðfest af áfrýjunardómstóli í Marokkó þann 20. febrúar.

Idris Hasan, Úígúri sem býr í Tyrklandi, var handtekinn í júlí 2021 í Marokkó vegna þess að hann var eftirlýstur af Interpol. Kínversk yfirvöld skilgreina hann sem hryðjuverkamann vegna starfa sem hann hefur unnið fyrir úígúrísk samtök. Lög í Kína skilgreina hryðjuverk með víðtækum og óljósum hætti og þeim hefur verið beitt til að ofsækja Úígúra og aðra múslimska minnihlutahópa. Þann 15. desember 2021 staðfestu dómstólar í Marokkó framsal Idris Hasan. Hann er enn í varðhaldi og í mikilli hættu að verða framseldur til Kína þar sem hann verður líklega pyndaður og fangelsaður að geðþótta.