Þann 18. apríl 2020 voru 15 leiðtogar og aðgerðasinnar handteknir fyrir ólöglega samkomu sem átti sér stað sex mánuðum áður. Þetta er nýjasta dæmið um hvernig lögreglan reiðir sig á óskýr lög um allsherjarreglu sem voru mikið notuð árið 2019 til að koma í veg fyrir fjölmenn og friðsæl mótmæli. Þessar handtökur eru þungt högg fyrir tjáningarfrelsið í Hong Kong.
Forseti Filippseyja Duterte hefur fyrirskipað lögreglu, hermönnum og opinberum fulltrúum í héruðum landsins að skjóta „vandræðagemlinga“ sem mótmæla á meðan á sóttkví stendur nú þegar kórónufaraldurinn geisar. Samkvæmt upplýsingum frá lögreglunni í Filippseyjum hafa 17 þúsund einstaklingar verið handteknir fyrir brot gegn útgöngubanni. Það hefur þveröfug áhrif til verndar heilsu almennings þar sem aukin smithætta er í fangavist.
ATM Azharul Islam, leiðtogi í stjórnarandstöðunni í Bangladess er í yfirvofandi hættu á að vera tekinn af lífi eftir að stjórnvöld landsins gáfu til þess heimild þann 16. mars 2020. Hann var dæmdur til dauða í desember 2014 af stríðsglæpadómstól og umsókn um áfrýjun í máli hans var hafnað í lok október 2019. Amnesty International og fleiri mannréttindasamtök hafa ítrekað bent á galla á málsmeðferð ATM Azharul Islam sem leiddi til þessa gríðarlega ranglætis.
Kína beitir kerfisbundnum ofsóknum gegn Úígúrum og öðrum múslimskum minnihlutahópum ekki bara innanlands heldur einnig í öðrum löndum samkvæmt vitnisburðum í rannsókn Amnesty International. Rannsóknin var birt í febrúar 2020 og er byggð á vitnisburðum þessara minnihlutahópa.
Sex meðlimir úr listahópnum Peacock Generation afplána tveggja til þriggja ára dóm vegna listflutnings þar sem herinn er gagnrýndur. Nýverið voru þrír meðlimanna dæmdir til sex mánaða fangelsisvistar til viðbótar fyrir „ærumeiðingar á netinu“ eftir að hafa birt listflutninginn á netinu. Þeir eru samviskufangar sem þarf að leysa umsvifalaust úr haldi án skilyrða.
Bylgja mótmæla víðsvegar í Asíu er leidd af ungu fólki sem berst gegn aukinni kúgun og skerðingu á tjáningar- og fundafrelsi samkvæmt ársskýrslu Amnesty International um ástand mannréttinda í Asíu og Kyrrahafssvæðinu árið 2019.
Tashpolat Tiyip, fyrrum rektor Háskólans í Xinjiang, var dæmdur til dauða eftir leynileg og óréttlát réttarhöld og stendur nú frammi fyrir yfirvofandi aftöku í Kína. Hann hvarf sporlaust árið 2017 og síðan þá hefur hann verið í varðhaldi af geðþótta. Engar upplýsingar hafa verið gefnar upp um sakargiftir, framvindu málsins né staðsetningu hans.
Á alþjóðadegi gegn dauðarefsingunni, 10. október, gefur Amnesty International út skýrslu um dauðarefsinguna í Malasíu: Fatally flawed: Why Malaysia must abolish the death penalty.
Đoàn Thị Hồng var handtekin ólöglega í september 2018 og hefur verið í haldi síðan án þess að mál hennar hafi verið tekið fyrir af dómstólum. Fjölskylda Đoàn Thị Hồng fékk ekki að hitta hana fyrr en 4. september 2019, 11 mánuðum eftir að hún var tekin höndum, og tók þá eftir heilsubrestum hjá henni. Við krefjumst þess að yfirvöld leysi Đoàn Thị Hồng úr haldi þar sem hún er samviskufangi og hefur einungis nýtt rétt sinn til tjáningarfrelsis á friðsamlegan hátt.
Þann 30. júlí sl. birtist pistill í Fréttablaðinu og á Vísi.is eftir Hilary Power, talsmann Amnesty International, Lailu Matar, fulltrúa Mannréttindavaktarinnar hjá Sameinuðu þjóðunum, og Rosanno Ocampo, dagskrárfulltrúa og tengilið FORUM ASIA hjá Sameinuðu þjóðunum. Efni pistilsins varðaði ályktun Íslands í Mannréttindaráði SÞ um mannréttindaástandið á Filippseyjum. Íslandsdeild Amnesty International birtir pistilinn einnig hér:
Bandaríski tölvurisinn Google sendi nýverið frá sér yfirlýsingu þess efnis að fyrirtækið væri hætt við að hleypa af stokkunum verkefninu Dragonfly, ritskoðaðri leitarvél fyrir Kína. Íslandsdeild Amnesty International tók upp málið í netákalli og SMS-aðgerðaneti í desember 2018 þar sem krafist var að fallið yrði frá verkefninu.
Íslandsdeild Amnesty International fagnar ályktun Íslands í Mannréttindaráði Sameinuðu þjóðanna vegna stöðu mannréttinda á Filippseyjum. Þetta er í fyrsta skipti í sögu ráðsins sem lögð er fram ályktun um Filippseyjar. Íslensk stjórnvöld sýndu ábyrgð í verki með því að leggja fram ályktunina og þar með fylgja eftir frumkvæði í gagnrýni sinni á filippseysk stjórnvöld.