Fréttir
27. ágúst 2019Brasilía: Aðgerðaleysi stjórnvalda ýtir undir skógarelda í Amazon
Eldar hafa geisað víða í Amazon-regnskóginum undanfarnar vikur sem hafa áhrif á líf fjölda fólks. Kumi Naidoo, aðalframkvæmdastjóri Amnesty International, telur mikilvægt að frumbyggjum á svæðinu sé sýnd samstaða og hann skorar á stjórnvöld að grípa til aðgerða.
„Ábyrgðin á að stöðva eldana í Amazon-skóginum hvílir núna alfarið á herðum Bolsonaro forseta Brasilíu og ríkisstjórn hans. Það verður að breyta þessari hörmulegu stefnu stjórnvalda sem ýtir undir eyðileggingu regnskóganna og hefur leitt til núverandi neyðarástands,“ segir
Kumi Naidoo, aðalframkvæmdatjóri Amnesty International
Fyrr á þessu ári skráði Amnesty International ólöglegar innrásir á landsvæði og íkveikjur nálægt frumbyggjasvæðum í Amazon-skóginum, þar á meðal í Rondônia, svæði þar sem geisa nú miklir eldar. Skógareyðing hefur tvöfaldast á svæðunum sem Amnesty International heimsótti í samanburði við sama árstíma í fyrra en því má um kenna að árásaraðilar koma og fella tré, kveikja skógarelda og ráðast á frumbyggjasamfélög sem þar búa. Þrátt fyrir það hefur Bolsonaro forseti leitast eftir því að draga úr verndun regnskóganna og grafa undan réttindum milljón frumbyggja á svæðinu.
„Á sama tíma og borgin São Paulo, sem er í þúsundum kílómetra fjarlægð frá Amazon-skóginum, hefur verið umlukin myrkri vegna reykjarmökks hefur forsetinn dreift rógburði um að frjáls samtök hafi komið eldunum af stað. Í stað þess að breiða út svívirðilegar lygar eða þræta fyrir umfang skógareyðingarinnar sem á sér stað þá köllum við eftir því að forsetinn grípi til aðgerða án tafar til að stöðva útbreiðslu eldanna.“
“Það er nauðsynlegt til að vernda rétt fólks til heilbrigðs umhverfis ásamt rétti til heilsu í ljósi áhrifa á loftgæði á stóru landsvæði í Brasilíu og nærliggjandi löndum.“
Kumi Naidoo, aðalframkvæmdatjóri Amnesty International
Það sem einstaklingar um heim allan geta gert til að vernda Amazon-skóginn er að leggja sitt að mörkum í að krefjast verndar á mannréttindum frumbyggja til að koma í veg fyrir frekari skógareyðingu.
„Við þurfum að sýna samstöðu með frumbyggjasamfélögum og leiðtogum þess í Brasilíu, Ekvador og víðar. Fyrir frumbyggja er Amazon-skógurinn ekki bara lungu heimsins heldur heimili þeirra.“
Kumi Naidoo, aðalframkvæmdastjóri Amnesty International
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu