Fréttir
28. febrúar 2020Bretland: Julian Assange fái sanngjarna málsmeðferð
Síðustu daga hefur fulltrúi Amnesty International verið viðstaddur réttarhöldin yfir Julian Assange vegna framsalsbeiðni Bandaríkjanna. Julia Hall var þar fyrir hönd samtakanna sem sérfræðingur um mannréttindi í Evrópu. Hún hafði þetta um málið að segja
„Þessi vika hefur sýnt það að réttur til tjáningarfrelsis og aðgengi að upplýsingum á undir högg að sækja á heimsvísu, ekki hvað síst ef Julian Assange verður framseldur til Bandaríkjanna og saksóttur fyrir njósnir. Augljóst er að afleiðingarnar geta verið hrollvekjandi fyrir fjölmiðlafólk og aðra sem birta upplýsingar frá heimildarfólki í almannaþágu.“
„Fjölmiðlafólk um heim allan gerir sér grein fyrir því að það geti verið ákært fyrir njósnir eða að ógna þjóðaröryggi á grundvelli laga gegn hryðjuverkum fyrir það eitt að fletta ofan af stríðsglæpum og öðrum mannréttindabrotum. Það kæmi í veg fyrir að við fengjum aðgengi að nauðsynlegum upplýsingum og staðreyndum til að draga stjórnvöld til ábyrgðar fyrir slík brot.“
„Það veldur áhyggjum að heyra af því síðustu daga að Julian Assange hefur þurft að þola ítrekaða líkamsleit og verið leiddur áfram í handjárnum. Fangelsið verður að tryggja að slíkum aðferðum sé aðeins beitt hóflega og eingöngu þegar þörf er á. Amnesty International mun fylgja máli hans eftir við bresk stjórnvöld til að tryggja að Julian Assange sæti ekki illri meðferð á meðan hann er í Belmarsh-fangelsinu.“
„Síðustu fjóra daga hefur Julian Assange ítrekað reynt að láta vita við réttarhöldin að hann geti hvorki fylgst með framvindu mála né haft almennileg samskipti við lögfræðing sinn eða gefið honum fyrirmæli. Hann á einnig erfitt með að halda athygli og einbeitingu þar sem hann situr í glerbúri (e.secure dock) vegna lyfja sem hann tekur.“
Amnesty International lýsir áhyggjum af því að ef ekki verði gripið til viðeigandi ráðstafana fyrir réttarhöldin í maí þá sé hætta á að Julian Assange fái ekki sanngjarna málsmeðferð.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu