SMS
30. júlí 2020Elżbieta Podleśna er baráttukona fyrir mannréttindum í Póllandi sem berst fyrir réttlátu og jöfnu samfélagi í Póllandi. Hún hefur barist gegn mismunun og hatri í mörg ár.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Snemma morguns þann 6. maí 2019, rétt eftir að Elżbieta kom heim úr ferð frá Belgíu og Hollandi með Amnesty International, réðst lögreglan inn á heimili hennar. Yfirvöld héldu því fram að fundist hefðu veggspjöld með mynd af Maríu mey með geislabaug í regnbogalitum, líkt og fáni hinsegin fólks.
Elżbieta var handtekin og þurfti að sæta nokkurra klukkustunda varðhaldsvist ásamt því að tölvubúnaður hennar var gerður upptækur. Tæpu ári síðar var hún ákærð fyrir að „misbjóða trúarskoðunum“.
Það er ekki glæpur að búa til, eiga eða dreifa slíkum veggspjöldum. Það hafa allir einstaklingar rétt á að tjá sig. Við njótum öll verndar tjáningarfrelsisins.
Elżbieta lætur ekki buga sig eða þagga niður í sér.
SMS-félagar krefjast þess að ríkissaksóknari Póllands felli niður ákærur á hendur Elżbieta Podleśna um að „misbjóða trúarskoðunum“ án tafar og henni verið gert kleift að halda áfram friðsamlegri baráttu sinni án refsiaðgerða yfirvalda.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu