Fréttir
11. september 2020Þúsundir einstaklinga hafa sætt fangelsisvist í Tyrklandi fyrir að gagnrýna stjórnvöld. Í kjölfar misheppnaðrar valdaránstilraunar í Tyrklandi árið 2016 hafa stjórnvöld herjað á gagnrýnendur og mannréttindafrömuði. Á meðal þeirra eru framkvæmdastjóri Tyrklandsdeildar Amnesty International og formaður deildarinnar. Réttarhöldin yfir þeim hafa verið táknræn fyrir þá kúgun sem hefur átt sér stað í Tyrklandi á síðustu fjórum árum.
Idil Eser, framkvæmdastjóri Tyrklandsdeildar Amnesty International, var handtekin ásamt níu öðrum mannréttindafrömuðum árið 2017. Hópurinn var kallaður Istanbúl 10. Taner Kiliç, formaður Tyrklandsdeildarinnar, var einnig handtekinn mánuði áður. Árið 2017 var mál þeirra hluti af árlegri herferð Amnesty International, Þitt nafn bjargar lífi.
Réttarhöld
Það voru miklar gleðifréttir þegar öll úr Istanbúl-hópnum voru laus úr haldi eftir næstum fjóra mánuði á bak við lás og slá og einnig þegar Taner Kiliç var leystur úr haldi gegn tryggingu árið 2018 eftir 14 mánaða fangelsisvist.
Í rúm þrjú ár hafa þessir 11 mannréttindafrömuðir, Istanbúl 10 og Taner Kiliç, staðið frammi fyrir röngum sakargiftum um hryðjuverk. Í byrjun júlí 2020 voru fjögur af þeim dæmd þrátt fyrir að enginn fótur væri fyrir ásökunum.
„Ákvörðun dómstólsins er sláandi. Í tólf fyrirtökum í dómsmálinu hefur verið sýnt að allar ásakanir eru með öllu tilhæfulausar. Úrskurður dómstólsins eru órökréttur og sýnir að réttarhöldin á síðustu þremur árum hafa frá fyrsta degi verið pólitísk tilraun til að þagga niður í gagnrýnisröddum.“
Andrew Garnder, rannsakandi Amnesty International í Tyrkland.
Taner Kiliç var dæmdur til 6 ára og þriggja mánaða fangelsisvistar fyrir að vera meðlimur í hryðjuverkasamtökum og Idil Eser ásamt tveimur öðrum mannréttindafrömuðum úr hópnum var dæmd í 25 mánaða fangelsi fyrir að aðstoða hryðjuverkasamtök. Ekki hefur verið gefin út handtökutilskipun og þau sæta ekki fangelsisvist á meðan málið er í áfrýjunarferli sem gæti tekið mörg ár.
„Málið hefur verið prófsteinn á tyrkneska dómskerfið. Það er sorglegt að dómskerfið sé þátttakandi í að glæpavæða störf í þágu mannréttinda. Við höldum áfram að styðja við bakið á vinum okkar og samstarfsfólki á meðan þau áfrýja þessum svívirðilega dómsúrskurði.“
Andrew Garnder, rannsakandi Amnesty International í Tyrkland.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu