Mannréttindafrömuðurnir og samviskufangarnir Ahmed Mansoor, Mohammed al-Roken og Nasser bin Ghaith eru meðal 87 manna frá Sameinuðu arabísku furstadæmunum sem sóttir eru til saka í nýju máli sem byggt er á upplognum ákærum um hryðjuverk.

Loftslagsráðstefna Sameinuðu þjóðanna, COP28, fer fram dagana 30. nóvember til 12. desember í Sameinuðu arabísku furstadæmunum. Þar koma saman 198 ríki og aðilar til að takast á við loftslagsvandann. Staða mannréttinda í Sameinuðu arabísku furstadæmunum verður einnig í sviðsljósinu þar sem hún getur haft áhrif á hvernig ráðstefnan gengur.