Okkar árlega herferð Þitt nafn bjargar lífi gekk vel árið 2024 þrátt fyrir að hún hafi verið minni í umsvifum en undanfarin ár. Á Íslandi söfnuðust 49.038 undirskriftir fyrir öll málin sem var aðeins meira en í fyrra ef miðað er við fjölda mála þar sem málin í ár voru níu en ekki tíu eins og undanfarin ár. Í heildina á heimsvísu var gripið til tæplega 4,7 milljóna aðgerða í 200 löndum og næstum 380 þúsund stuðningskveðjur voru skrifaðar til þolendanna til að sýna þeim stuðning á erfiðum tímum. 

Samviskufanginn Sergey Tihanovski er vinsæll bloggari sem hefur gagnrýnt hvítrússnesk stjórnvöld. Sviatlana Tsikhanouskaya, eiginkona hans, er í útlegð sem leiðtogi stjórnarandstöðunnar. Sergey var handtekinn að geðþótta í maí 2020 og ranglega dæmdur í 18 ára fangelsi.

Nasta Loika, baráttukona fyrir mannréttindum frá Hvíta-Rússlandi, hefur verið í haldi að geðþótta frá 6. september 2022 fyrir uppspunnar ákærur um „minniháttar óspektir“. Henni er neitað um  nauðsynjavörur og læknisaðstoð sem hún þarfnast. Hún fær auk þess ekki aðgang að lögfræðingi sínum. Nasta Loika er skotmark stjórnvalda einungis vegna mannréttindabaráttu sinnar og skal tafarlaust vera leyst úr haldi.

Marfa Rabkova er baráttukona fyrir mannréttindum í Hvíta-Rússlandi og hefur unnið fyrir Viasna, hreyfingu sjálfboðaliða, sem er einn öflugasti mannréttindahópurinn í Hvíta-Rússlandi. Viasna fylgist með og skráir mannréttindabrot í landinu. Marfa var handtekin að geðþótta þann 17. september 2020 og hefur verið í varðhaldi síðan og bíður réttarhalda. Hún á yfir höfði sér 12 ára fangelsisdóm verði hún dæmd sek fyrir upplognar sakir.

Alltof oft er lögreglan of fljót að grípa til valdbeitingar, oft gegn friðsömum mótmælendum sem eru einungis að nýta rétt sinn til að koma saman með friðsömum hætti. Á undanförnum árum og á tímum heimsfaraldursins hafa stjórnvöld víðs vegar um heim takmarkað tjáningarfrelsið og réttinn til friðsamlegrar samkomu, oft með ofbeldisfullum hætti.

Íþróttafólk í Hvíta-Rússlandi fórnar nú íþróttaferli sínum og frelsi fyrir það eitt að tjá sig um mannréttindabrot í heimalandi sínu. Amnesty International stendur fyrir herferðinni #StandWithBelarus til að sýna íþróttafólkinu í Hvíta-Rússlandi stuðning í mannréttindabaráttu þess. Krystsina Tsimanouskaya, íþróttakona frá Hvíta-Rússlandi og þátttakandi á Ólympíuleikunum í Japan í ár óskaði eftir alþjóðlega vernd í pólska sendiráðinu í Tókýó þann 2. ágúst 2021 í kjölfar þess að hvítrússnesk yfirvöld reyndu að þvinga hana aftur til heimalands síns.

Raman Pratasevich, blaðamaður frá Hvíta-Rússlandi á flótta sem hefur gagnrýnt hvítrússneska ríkisstjórnina, var ólöglega handtekinn þann 23. maí af stjórnvöldum í Hvíta-Rússlandi ásamt maka sínum, Sofiu Sapega. Þau voru í flugi frá Aþenu til Vilníus þegar vélinni var beint í aðra átt og gert að lenda í Minsk vegna sprengjuhótunar. Raman Pratasevich var eftirlýstur í heimalandi sínu vegna „hryðjuverka“ fyrir vinnu sína sem blaðamaður. Verði hann dæmdur sekur á hann yfir höfði sér 20 ára fangelsisvist.

Myndir og skýrslur sem varpa ljósi á ómannúðlegt lögregluofbeldi gegn friðsömum mótmælendum í Hvíta-Rússlandi, bæði á götum úti og í varðhaldi, hafa verið í fréttum um allan heim.

Emil Astrauko og Vasily Sauchanka er haldið í unglingafangelsi í Hvíta-Rússlandi þar sem brotið er á mannréttindum þeirra. Þeir hafa orðið fyrir áreitni og mismunun af hálfu fangelsisyfirvalda. Eftir óréttlát réttarhöld á seinasta ári voru þeir dæmdir í 10 ára fangelsi fyrir minniháttar vímuefnabrot. Emil og Vasily voru 17 ára þegar þeir voru handteknir. Mál þeirra er eitt fjölmargra svipaðra mála.