Ungliðahreyfing

Ungl­iða­hreyfing Íslands­deildar Amnesty Internati­onal er félags­skapur ungra mann­rétt­inda­sinna á aldr­inum 14-25 ára. Hlut­verk ungl­iða­hreyf­ing­ar­innar er að vekja athygli á mann­rétt­indum og mann­rétt­inda­brotum um heim allan í gegnum aðgerð­astarf.

Með þátt­töku í ungl­iða­hreyf­ingu Íslands­deildar Amnesty Internati­onal gefst ungmennum tæki­færi til að láta gott af sér leiða, taka þátt í alþjóð­legu mann­rétt­ind­a­starfi og fá þjálfun í viðburða­stjórnun og vald­efl­ingu. Við viljum ná til ungs fólks um allt land og leggjum mikið kapp á það að styðja við bakið á þeim sem vilja standa fyrir mann­rétt­inda­tengdu aðgerð­a­starfi á Íslandi.

Ungl­iða­hreyf­ingin er opin öllum áhuga­sömum ungmennum sem vilja taka þátt í að móta aðgerð­astarf, skipu­leggja viðburði og hjálpa til við að bera út boðskap mann­rétt­inda. Fundir ungl­iða­hreyf­ing­ar­innar eru 1-2 í mánuði og tökum við öllum nýliðum fagn­andi.

Þú getur tekið þátt og fylgst með starf­semi ungl­iða­hreyf­ing­ar­innar á Face­book.

Við mælum einnig með skrán­ingu í hreyf­inguna hér

Næstu viðburðir

Ungir aðgerðarsinnar

Ungir aðgerða­sinnar gegna mikil­vægu hlut­verki í starfi Amnesty Internati­onal um víða veröld. Ungt fólk er oft virk­ustu félag­arnir okkar, sýna ótrú­lega sköp­un­ar­gáfu og eldmóð í öllu sem þau taka sér fyrir hendur í aðgerð­a­starfi, fræðslu og viðburðum.

Ungl­iða­hreyfing Íslands­deildar Amnesty Internati­onal var stofnuð í mars árið 2012. Hreyf­ingin hefur frá fyrstu dögum haft það að leið­ar­ljósi að vekja athygli á mann­rétt­inda­málum í víðu samhengi.

Í stjórn ungl­iða­hreyf­ing­ar­innar 2019-2020 eru: Hertha Kristín Benja­míns­dóttir formaður, Snædís Lilja Kára­dóttir gjald­keri, Ragn­hildur Björt Björns­dóttir ritari, Ragn­heiður Lóa Ólafs­dóttir og Sindri Bjarkason.

Markmið ungl­iða­hreyf­ing­ar­innar

  • Vekja athygli á mann­rétt­indum í gegnum marg­vís­lega viðburði
  • Standa vörð um mann­rétt­indi þeirra sem hafa veika rödd – hérlendis og erlendis
  • Skipu­leggja viðburði og aðgerðir sem styðja við starf Íslands­deild­ar­innar
  • Standa fyrir jafn­ingja­fræðslu út frá herferðum samtak­anna
  • Halda úti virku og áhuga­verðu aðgerð­a­starfi fyrir ungmenni
  • Taka þátt í alþjóð­a­starfi Amnesty Internati­onal með ungu fólki frá öðrum löndum
  • Læra af öðrum og þekk­ingu þeirra

ÞITT NAFN BJARGAR LÍFI

Þú ætlar að styðja og .

Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Engar aðrar persónuupplýsingar en nafn þitt munu fylgja bréfinu á viðkomandi stjórnvöld.