Bangladess

Bangladess: Gefum Róhingjum rödd

Næstum ein milljón Róhingja býr í flótta­manna­búðum í niður­níðslu í Cox Bazar í Bangla­dess eftir að hafa flúið heimili sín í Mjanmar vegna glæpa hersins þar í landi. Þessir glæpir jafn­gilda glæpum gegn mann­kyninu samkvæmt alþjóða­lögum og eru nú til skoð­unar hjá Alþjóða­dóm­stólnum í Haag.  

Kórónu­veirufar­ald­urinn hefur gert aðstæður Róhingja í flótta­manna­búðum enn þung­bærari. Aðgengi að heil­brigð­is­þjón­ustu er skert vegna tungu­mála­örðugleika, illrar meðferðar frá heil­brigð­is­starfs­fólki og ófull­nægj­andi aðgengi upplýsinga um þá heil­brigð­is­þjón­ustu sem stendur til boða. 

Fleiri en 100 Róhingjar hafa verið teknir af lífi án dóms og laga frá árunum 2017 – 2020 samkvæmt mann­rétt­indasamtök­unum Odhikar í Bangla­dess. 

Flótta­fólk hefur greint frá því að gadda­vírs­girð­ingar kringum búðirnar geri líf fólks erfiðara fyrir og er stór­hættu­legt neyð­ar­ástandi, líkt og elds­voðum. Þúsundir Róhingja hafa verið þving­aðir til Bhashan Char, afskekktrar sand­eyju í Bengalflóa og eru áform yfirvalda að flytja um 100 þúsund einstak­linga á eyjuna.   

Framtíð næstum hálfrar millj­ónar Róhingja barna er döpur en þau fá nánast enga menntunÁrlega leggur fjöldi Róhingja á sig hættu­legar báts­ferðir til nærliggj­andi landa í von um betra líf frá erfiðum aðstæðum 

Í áratugi hefur Róhingjum í Mjanmar verið neitað um ríkis­borg­ara­rétt, ferða­frelsi og aðgengi að menntun, störfum og heil­brigð­is­þjón­ustu. Stjórn­völd geta vald­eflt þennan hóp með því að gefa þeim rödd og virða mann­rétt­indi þeirra 

Þrýstá stjórn­völd í Bangla­dess og alþjóða­sam­fé­lagið að tryggja þátt­töku Róhingja flótta­fólks í ákvarðana­töku sem snýr að þeirra eigin lífi til að tryggt sé að mann­rétt­indi þeirra séu vernduð.  

Undir­skrift­arlist­arnir eru sendir á stjórn­völd Bangla­dess ásamt stjórn­völdum Ástr­alíu, Kanada, Indó­nesíu og Banda­ríkjanna 

Þau þurfa þína hjálp!

Þín undirskrift getur bjargað mannslífi

Tæland

Krefjumst réttlætis fyrir friðsama mótmælendur í Tælandi

Stjórnvöld í Tælandi nýta kórónuveirufaraldurinn til að þagga enn frekar niður í ungum friðsömum mótmælendum. Fleiri en 600 ungmenni eiga yfir höfði sér langa fangelsisdóma fyrir það eitt að mótmæla friðsamlega þrátt fyrir að lögreglan hafi beitt óhóflegu valdi við að leysa upp mótmælin.

Alþjóðlegt

Stöðvið misbeitingu kylfa

Um heim allan þagga stjórnvöld niður í mótmælendum með lögreglukylfum. Kylfurnar eru notaðar sem þöggunartól. Rannsóknir Amnesty sýna að kylfur eru notaðar í refsingarskyni. Þær eru notaðar til að berja fólk sem haldið er niðri. Þær eru notaðar til að berja háls og höfuð. Þær eru notaðar til að beita kynferðislegt ofbeldi og pyndingum. Þetta verður að stöðva. Við krefjumst þess að íslensk stjórnvöld styðji gerð alþjóðlegs og skuldbindandi samnings um viðskipti með lögregluvopn og búnað sem eru notuð til að beita pyndingum.

Bandaríkin

Vernda þarf mannréttindi í Afganistan

Aðgerðir stjórnar Bidens til að vernda mannréttindi í Afganistan í kjölfar yfirtöku Talíbana í Kabúl eru ófullnægjandi. Hvíta húsið verður að gera meira til að tryggja flutning baráttufólks fyrir mannréttindum, aðgerðasinna sem berjast fyrir kvenréttindum og fjölmiðlafólks úr landi. Aðgerðaleysi kostar mannslíf!

Kúba

Leysið friðsama mótmælendur úr haldi

Þúsundir komu saman þann 11. júlí á Kúbu til að mótmæla ríkisstjórninni vegna efnahagsástandsins, skorts á lyfjum, og almennra takmarkana á tjáningarfrelsinu. Mögulega eru hundruð mótmælenda í fangelsi og ríkið þaggar niður í gagnrýnisröddum með fjölda ákæra. Krefjumst þess að friðsamir mótmælendur verði leystir umsvifalaust úr haldi án skilyrða.

Bangladess

Aðför stjórnvalda að tjáningarfrelsi á netinu

Yfir þúsund einstaklingar hafa verið handteknir í Bangladess frá árinu 2018 á grundvelli laga um stafrænt öryggi (DSA, Digital Security ACT) fyrir að nýta rétt sinn til tjáningar á netinu. Bregstu við og krefstu þess að forsætisráðherra Bangladess, Sheikh Hasina, felli lögin úr gildi eða endurbæti í samræmi við alþjóðalög þau ákvæði sem eru notuð til að þagga niður í gagnrýnisröddum.

Angóla

Hirðingjasamfélög í hættu

Nú varir einn versti þurrkur síðastliðin 40 ár í suðurhluta Angóla. Afleiðingarnar eru ógnvænlegar þar sem heilsa og mataröryggi hirðingjasamfélaga á svæðinu eru í verulegri hættu. Vannæring hefur aukist til muna og aðgangur að vatni og hreinlætisaðstöðu er ótryggður.

Alþjóðlegt

Ríki hætti ólögmætri notkun á njósnabúnaði

Í löndum víðsvegar um heiminn reiða yfirvöld sig sífellt meira á stafrænt eftirlit í þeim tilgangi að áreita eða handtaka einstaklinga sem tjá sig til varnar mannréttindum eða afhjúpa viðkvæmar upplýsingar. Aukning er á stafrænum árásum gegn mannréttindasinnum, fjölmiðlafólki og almennum borgurum. Njósnum, hótunum og þöggun er beitt með því að brjótast inn í stafræn tæki einstaklinga. Þessari aðför verður að linna. Með undirskrift þinni þrýstir þú á stjórnvöldá heimsvísu að bregðast við kröfum um að vernda mannréttindasinna um heim allan.