Fréttir
12. mars 2025Filippseyjar: Handtaka Duterte gríðarlegt skref fyrir réttlæti
Rodrigo Duterte, fyrrverandi forseti Filippseyja, hefur verið handtekinn af filippseyskum yfirvöldum í kjölfar handtökuskipunar Alþjóðasakamáladómstólsins fyrir glæpi gegn mannúð sem tengjast „stríði hans gegn fíkniefnum“.
Framkvæmdastjóri Amnesty International, Agnes Callamard, sagði þetta stórmerkilegt skref í átt að réttlæti, og lagði áherslu á að Duterte leiddi víðtæka herferð þar sem morð á fólki, þar á meðal á börnum, voru viljandi, víðtæk og skipulögð og samþykkt af ríkinu.
Agnes hvetur ríkisstjórn Filippseyja til að tryggja að fleiri en Duterte verði látnir sæta ábyrgð og til að vinna að fullu með Alþjóðasakamáladómstólnum. Amnesty International hvetur einnig til framsals Duterte til Haag og til þess að Filippseyjar gerðust aftur aðilar að Rómarsamþykktinni til að styðja við áframhaldandi rannsóknir.
„Handtaka Duterte vegna handtökuskipunar Alþjóðasakamáladómstólsins er vonarljós fyrir þolendur á Filippseyjum og víðar. Hún sýnir að grunaðir gerendur verstu glæpa, þar á meðal þjóðarleiðtogar, geta og munu þurfa að gangast við réttlæti, hvar sem þeir eru staddir í heiminum. Á tímum þegar of margar ríkisstjórnir falla frá skuldbindingum Alþjóðasakamáladómstólsins og aðrar ráðast á eða refsa alþjóðlegum dómstólum, er handtaka Duterte stór stund sem sýnir vald alþjóðalaga.”
Agnes Callamard, Aðalframkvæmdastjóri Amnesty International
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu